சென்னை: சக்தி தாசன் மறைவுக்கு முதல்வர் எடப்பாடி பழனிசாமி வெளியிட்டுள்ள இரங்கல் செய்தி: இந்திய குடியரசு கட்சியின் (கவாய் பிரிவு) முன்னாள் மாநில தலைவர் சக்திதாசன் உடல் நலக்குறைவு காரணமாக நேற்று முன்தினம் காலமானார் என்ற செய்தி அறிந்து வேதனை அடைந்தேன். சக்திதாசன் இளம் வயதில் சமூக பணியாற்ற ஆர்வம் கொண்டு, பொது வாழ்க்கையில் தன்னை முழுமையாக ஈடுபடுத்திக் கொண்டவர். சக்திதாசன் மறைவு அவர்தம் குடும்பத்தினருக்கு மட்டுமல்லாமல், அவரது கட்சியினருக்கும், பேரிழப்பாகும். அவரை இழந்து வாடும் அவரது குடும்பத்தினருக்கு ஆழ்ந்த இரங்கலையும், அனுதாபத்தையும் தெரிவித்துக் கொள்வதுடன், அன்னாரது ஆன்மா இறைவன் திருவடி நிழலில் இளைப்பாற எல்லாம் வல்ல இறைவனை பிரார்த்திக்கிறேன்.
திமுக தலைவர் மு.க.ஸ்டாலின் வெளியிட்ட இரங்கல் செய்தி: தமிழகத்தின் மூலைமுடுக்கெங்கும் அம்பேத்கர்- தந்தை பெரியார் ஆகியோரின் கொள்கைகள் மேலும் பரவிட, பாடுபட்ட தகைமையாளர் சக்திதாசன். 90 ஆண்டுகளுக்கும் மேலாக நிறைவாழ்வு வாழ்ந்து தூய பொதுநலத் தொண்டராக விளங்கியவர். அவரது மறைவுக்கு எனது ஆழ்ந்த இரங்கலை தெரிவித்துக் கொள்கிறேன்.
சக்திதாசன் மறைவுக்கு முதல்வர், ஸ்டாலின் இரங்கல்
12:22 am Dec 12, 2020 |
