தீபதிருவிழாவில் திருவண்ணாமலை தேர் திருவிழா ரத்து , தீப திருநாளன்று கோயிலுக்குள் பக்தர்களுக்கு அனுமதி இல்லை

திருவண்ணாமலை: திருவண்ணாமலை அண்ணாமலையார் கோயிலில் தீபத் திருநாளன்று கிரிவலத்துக்கு தடை விதிக்கப்பட்டுள்ளதாக மாவட்ட ஆட்சியர் கந்தசாமி தெரிவித்தார். திருவண்ணாமலையில் மகா தீபம் ஏற்றப்படும் வரும் 29-ம் தேதி கோயிலுக்கு வர, கிரிவலம் செல்ல பக்தர்களுக்கு தடை விதிக்கப்பட்டுள்ளது. திருவிழா நடக்கும் 9 நாட்களில் நாள் ஒன்றுக்கு 5000 பக்தர்களுக்கு மட்டும அனுமதி அளிக்கப்படும் என கூறப்பட்டுள்ளது. ஆன்லைனில் பதிவு செய்தவர்கள் மட்டுமே அனுமதிக்கப்படுவார்கள் என கூறப்பட்டுள்ளது.

பொதுமக்களுக்கான வழிகாட்டு நெறிமுறை:

* 17.11.2020 அன்று தூர்க்கை அம்மன் உற்சவததில் தொடங்கி 3.12.2020 அன்று சண்டிகேஸ்வரர் வெள்ளி ரிஷப வாகனத்தில் சுவாமி வீதி உலா வரை 17 நாட்கள் தீபத் திருவிழா நடைபெற உள்ளது.

* 20.11.2020 அன்று அருணாசலேஸ்வரார் திருக்கோவிலில் கொடியேற்றத்துடன் தொடங்கும்

* 10-ம் நாள் 29.11.2020 அன்று கோவில் வளாகத்தினுள் அதிகாலை 4. மணிக்கு பரணி தீபம் ஏற்றப்படும். மாலை 6 மணிக்கு அண்ணாமலையார் மலை உச்சியில் மகா தீபம் ஏற்றப்படும்.

* கொரோனா நோய் தடுப்பு நை்முறையில் கோவிலில் சுவாமி தரிசனம் செய்ய காலை 6.30 மணி முதல் இரவு 8.00 மணி  வரை பக்தர்களுக்கு கொரோனா வழிகாட்டுதலின்படி தரிசனத்துக்கு அனுமதி.

* வார நாட்களில் சுமார் 4000 முதல் 5000 பக்தர்கள், விடுமுறை மற்றும் இறுதி நாட்கள், பெளர்மணி, அமாவாசை மற்றும் பண்டிகை போன்ற நாட்களில் சுமார் 8000 பக்தர்களுக்கு சுவாமி தரிசனத்திற்கு அனுமதி.

* தற்போது நடைபெற உள்ள தீபத்திருநாளில் 17.11.2020 முதல் 03.12.2020  வரை 29.11.2020 தீபத் திருநாள் தவிர தினந்தோறும் சுமார் 5000 பக்தர்களுக்கு சவாமி தரிசனம் செய்ய அனுமதி.

* திருவண்ணாமலை அண்ணாமலையார் கோயிலிலுக்கு வரும் www.arunachaleswawawtemple.tnhrce.in  என்ற இணையத்தளத்தில் e-registration மூலம் ஒரு நபருக்கு ஒரு நுழைவு சீட்டு என்ற முறையில் கட்டணமில்லாமல் ஆன்லைனில் முன்பதிவு செய்து உரிய அடையாள அட்டையுடன் வருபவர்கள் மட்டுமே அனுமதிக்கப்படுவார்கள்.

* 29.11.2020 அன்று பொதுமக்கள், பக்தர்கள் கோவிலில் உள்ளே சுவாமி தரிசனம் செய்ய அனுமதி இல்லை.

* இந்நிகழச்சிகள் தொலைகாட்சி, யூடியூப், திருக்கோயில் இணையத்தளம், அரசு கேபிள் தொலைகாட்சி மற்றும் உள்ளூர் தொலைகாட்சிகள் மூலம் ஒளிப்பரப்பாகும்.

* தீபத் திருநாளன்று அண்ணாமலையார் மலை மீது ஏறி மகாதீபத்தினை தரிசனம் செய்ய பக்தர்களுக்கு அனுமதி இல்லை.

*  தீபத் திருவிழா நாட்கள் மற்றும் அதனை தொடர்ந்து வரப்போகும் பௌர்ணமி நாளன்றும் பக்தர்கள் கிரிவலம் செல்ல தடை.

* கிரிவலப் பாதை மற்றும் நகரப் பகுதிகளில் பக்தர்களுக்கு அன்னதானம் வழங்க தடை.

* இந்த வருட தீபத் திருநாளன்று 28.11.2020 முதல் 30.11.2020 வரை சிறப்பு பேருந்துகள் வசதி கிடையாது.

* திருவண்ணாமலை நகரம், செங்கம் ரோடு கிரிவலப்பாதை, அரசினர் கலைக்கல்லூரி அருகே அரச புறப்போக்கு காலு மைதானத்தில் நடைபெறும் மாடு மற்றும் குதிரை சந்தை இந்த ஆண்டு நடத்த அனுமதி கிடையாது.

Related Stories:

>