மூச்சுத் திணறல் காரணமாக மத்திய உள்துறை அமைச்சர் அமித்ஷா டெல்லி எய்ம்ஸ் மருத்துவமனையில் மீண்டும் அனுமதி.!!!

டெல்லி: மத்திய உள்துறை அமைச்சர் அமித்ஷா டெல்லி எய்ம்ஸ் மருத்துவமனையில் மீண்டும் அனுமதிக்கப்பட்டுள்ளார். மத்திய உள்துறை அமைச்சர் அமித்ஷாவுக்கு (55) கடந்த மாதம் 2-ம் தேதி கொரோனா பாதிப்பு கண்டறியப்பட்டது. டெல்லி, அருகேயுள்ள ஹரியானாவின் குர்கானில் உள்ள மேதாந்தா மருத்துவமனையில் சிகிச்சை பெற்று வந்தார். பிறகு குணமடைந்து வீடு திரும்பினார். கொரோனாவிலிருந்து மீண்ட பிறகு சோர்வு மற்றும் உடல் வலி காரணமாக கடந்த மாதம் 18-ம் தேதி டெல்லி எய்ம்ஸ் மருத்துவமனையில் அனுமதிக்கப்பட்டு சிகிச்சை பெற்று வந்தார்.

மருத்துவர்களின் தீவிர சிகிச்சையால் உடல் நலம் பெற்ற அமித்ஷா, 13 நாட்களுக்கு பிறகு கடந்த ஆகஸ்ட் 31-ம் தேதி காலை 7 மணிக்கு டிஸ்சார்ஜ் செய்யப்பட்டு வீடு திரும்பினார். மருத்துவமனை நிர்வாகம் கூறுகையில், “அமித்ஷா முழு குணம் அடைந்துள்ளார். தன்னுடைய அன்றாட அலுவல்களை அவர் சீராக செய்ய முடியும்” என்றது.