திருச்சி: தஞ்சை மாவட்டம் அதிராம்பட்டிணத்தை சேர்ந்தவர் தவ்பீக் (40). இவர் மீது மும்பை, கோவை குண்டு வெடிப்பு உள்ளிட்ட வழக்குகள் உள்ளன. இவர், வங்கதேசத்துக்கு சென்று தலைமறைவானார். அங்கு சல்மா என்பவரை திருமணம் செய்து கொண்டார். பின்னர், மனைவி, 2 குழந்தைகளுடன் கொல்கத்தா வழியாக சென்னைக்கு அழைத்து வந்து சட்டவிரோதமாக சூளைமேட்டில் குடியேறினார். இந்நிலையில் தவ்பீக், அவரது நண்பர்களான உமாமகேஸ்வரன், ராஜா உள்ளிட்ட 6 பேருடன் இணைந்து மண்ணடியை சேர்ந்த தொழில் அதிபர் திவான்அக்பரை கடந்த 17ம் தேதி கடத்தி சென்று ரூ.2 கோடி மிரட்டி வாங்கினார். இதுகுறித்து முத்தியால்பேட்டை போலீசார், 6 பேரை கைது செய்தனர்.தற்போது, திருச்சியில் தவ்பீக் மனைவி சல்மாவையும், கோவையில் தவ்பீக்கின் முக்கிய கூட்டாளிகளான சென்னையை சேர்ந்த அப்துல்காதர் (46), சிக்கந்தர் (35) ஆகியோரையும் நேற்று சென்னை தனிப் படை போலீசார் கைது செய்தனர்.
சென்னை தொழிலதிபரை கடத்தி ரூ.2 கோடி பறிமுதல் செய்த வழக்கில் கும்பல் தலைவன் தவ்பீக்கின் மனைவி கைது
05:47 am Aug 28, 2020 |
