தலை வழுக்கையாக இருப்பவர்களை கொரோனா எளிதில் தாக்கும்: கொரோனா அபாயம் குறித்து அச்சமூட்டும் தகவல்கள்

தலை வழுக்கையாக இருப்பவர்களை கொரோனா எளிதில் தாக்கும் என்று ஆய்வில் தெரியவந்திருப்பது அதிர்ச்சியை ஏற்படுத்தியுள்ளது. உலகையே அச்சுறுத்தி வரும் அபாயகர கிருமியான கொரோனா வைரஸ், பெண்களை விட ஆண்களை அதிகம் தாக்குவது ஆய்வில் கண்டுபிடிக்கப்பட்டது. இதேபோன்று வழுக்கை தலையாக உள்ள ஆண்கள் எளிதில் இலக்காவதாக மருத்துவ ஆய்வு இணையதளம் தி ஹெல்த் சைட் வெய்தி வெளியிட்டுள்ளது. பிரவுன் பல்கலைக்கழக ஆய்வறிஞர்கள், ஆண்மைக்கு காரணமான ஆன்ட்ரோஜன் ஹார்மோன் கொரோனா வைரஸை எளிதில் ஈர்க்கும் தன்மை கொண்டது என்று கண்டறிந்துள்ளனர்.

அமெரிக்கன் அகாடமி வெளியிட்டுள்ள ஆய்வறிக்கையில் மாட்ரிட் மருத்துவமனையில் சிகிச்சை பெற்ற கொரோனா நோயாளிகளில் 79% பேர் வழுக்கைத் தலை கொண்டவர்கள் என்று சுட்டிக்காட்டப்பட்டுள்ளது. கொரோனா வைரஸ் நுரையீரல், இதயம் மற்றும் குடலை தாக்குவது கண்டறியப்பட்டது. ஆனால், ஆண்களின் விந்தணுக்களில் அதிகளவு கொரோனா வைரஸ் குடிபுகுந்து ஆரோக்கியத்தை கெடுப்பதாக சமீபத்திய ஆய்வில் தெரியவந்துள்ளது. மேலும், புகை பிடிக்கும் பழக்கம் உள்ளவர்களும் கொரோனாவுக்கு எளிதில் இலக்காவது கண்டறியப்பட்டுள்ளது.