கணவரை பிரிந்து விட்டேனா? நடிகை சுவாதி பதில்

சென்னை: தனது கணவருடன் நடிகை சுவாதிக்கு கருத்து வேறுபாடு ஏற்பட்டுள்ளதாக தகவல் வெளியாகியுள்ளது. தமிழில் ‘சுப்பிரமணியபுரம்’, ‘வடகறி’ உள்பட பல படங்களில் ஹீரோயினாக நடித்தவர் சுவாதி ரெட்டி. கடந்த 2018 ஆகஸ்ட் மாதம் மலேசியன் ஏர்லைன்ஸை சேர்ந்த விமான ஓட்டி விகாஸ் வாசு என்பவரை திருமணம் செய்துகொண்டார். சமூக வலைத்தளத்தில் தனது போட்டோக்களைப் பகிர்ந்து வந்தார் சுவாதி ரெட்டி. சமீபத்தில் தனது கணவருடன் இருக்கும் அனைத்து போட்டோக்களையும் நீக்கிவிட்டார். இதனால் அவரது குடும்ப வாழ்க்கையில் பிரச்னை ஏற்பட்டிருப்பதாக செய்திகள் வெளியானது.

இந்நிலையில், தனது சமூக வலைத்தளத்தில் ஒரு வீடியோ வெளியிட்டுள்ள சுவாதி ரெட்டி, அனைத்து வதந்திகளுக்கும் முற்றுப்புள்ளி வைத்துள்ளார். மொபைல் கேலரியில் தனது கணவருடன் எடுத்துக்கொண்ட போட்டோக்களை பத்திரமாக வைத்திருப்பதை வீடியோவின் மூலம் பகிர்ந்துள்ளார். 2012ல் இருந்து சமூக வலைத்தளத்தில் பகிர்ந்த படங்கள் இது என்றும் குறிப்பிட்டுள்ளார். வீடியோ பின்னணியில் ஹாரிபாட்டர் படத்தின் இசையை சேர்த்துள்ளார். கதையில் ரகசிய அறையைப் பற்றிய வசனத்தையும் குறிப்பிட்டுள்ளார்.