13.6.2024 முதல் 19.6.2024 வரை
சாதகங்கள்: ராசிநாதன் சூரியன் மிதுன ராசியில் சஞ்சரிக்க இருக்கிறார். அவரோடு சூரியன் புதன் இணைந்து உள்ளனர். ராசிக்கு மூன்று பத்துக்கு உரிய சுக்கிரன் லாப ஸ்தானத்திற்கு வருவதால், உங்கள் எண்ணங்கள் நிறைவேறும். வருமானம் உயரும். வியாபாரம் வெற்றி நடைபோடும். நீண்ட நாட்களாக எதிர்பார்த்த பதவி உயர்வு ஊதிய உயர்வு கிடைக்கும். காரியத் தடைகள் விலகும். போட்டித் தேர்வுகளில் வெற்றி கிடைக்கும். மனை, நிலங்கள் முதலியவற்றில் லாபம் உண்டு. சூரியன் புதனும் காரிய வெற்றியைத் தரும்.
கவனம் தேவை: ராசிக்கு 9ஆம் இடத்தில் செவ்வாய் இருக்கின்றார். முன் கோபத்தை கட்டுப்படுத்த வேண்டும். சகோதரர்களுக்குள் கருத்து வேற்றுமை வரலாம். பத்தாம் இடத்தில் குரு பகவான் அமர்ந்திருப்பதால், புதிய தொழில் முயற்சிகளை ஒத்திவைக்கவும். ஏழாம் இடத்தில் சனி இருப்பதால், பங்குதாரர்களுடன் கருத்து வேற்றுமைகள் வரலாம். நண்பர்கள் மூலமாக சில தொல்லைகள் உண்டாகலாம். ராகு 8ம் ராசியில் இருப்பதால் உடல்நலம் அவ்வப் பொழுது பாதிக்கப்படும். கவனம் தேவை.
பரிகாரம்: பிரதோஷ நேரத்தில் லட்சுமி நரசிம்மரை வணங்குங்கள். பசுக்களுக்கு உணவளியுங்கள். பாரம் குறையும். சூரியனை வழிபட பிரகாசமான வாழ்க்கை கிடைக்கும்.
