நடிகர் டி.எஸ்.ராகவேந்திரா மரணம்

சென்னை: வைதேகி காத்திருந்தாள் படத்தில் ரேவதியின் தந்தையாகவும், சிந்து பைரவி படத்தில் சுகாசினியின் மாற்றுத் தந்தையாகவும் நடித்திருந்தவர் டி.எஸ்.ராகவேந்திரா. மேலும் இவர் பல தமிழ் படங்களிலும், மலையாள படங்களிலும் குணச்சித்திர வேடங்களில் நடித்துள்ளார். யாகசாலை, உயிர், படிக்காத பாடம் ஆகிய படங்களுக்கு இசை அமைத்திருக்கும் அவர், பல படங்களில் பின்னணி பாடியிருக்கிறார். சில மாதங்களாக உடல்நலக்குறைவு காரணமாக சிகிச்சை பெற்று வந்த டி.எஸ்.ராகவேந்திரா, சிகிச்சை பலனின்றி நேற்று காலை மரணம் அடைந்தார். அவருக்கு மனைவி பாடகி சுலோசனா, மகள்கள் பாடகி கல்பனா, பிரசன்னா உள்ளனர். டி.எஸ்.ராகவேந்திராவின் மறைவுக்கு தென்னிந்திய நடிகர் சங்கம் இரங்கல் தெரிவித்துள்ளது.