முழு நிலவு நாளில் இவ்வாண்டின் முதல் சந்திர கிரகணம் இன்று: வெறும் கண்ணால் பார்க்கலாம் என வானியல் அறிஞர்கள் தகவல்

புது டெல்லி: 2020ஆம் ஆண்டின் முதல் கிரகணம் இன்று நிகழ்கிறது. இன்று நிகழ உள்ள சந்திர கிரகணத்தை வெறும் கண்ணால் பார்க்கலாம் என வானியல் அறிஞர்கள் தெரிவித்துள்ளனர். சூரியனுக்கும் சந்திரனுக்கும் இடையே பூமி வரும் நிகழ்வான சந்திர கிரகணம் இன்று இரவு ஏற்படுகிறது. இந்தாண்டு நான்கு முறை சந்திர கிரகணம் நடைபெறும் நிலையில், முதல் கிரகணம் இன்று இரவு 10.37 மணி முதல் நாளை அதிகாலை 2.42 மணி வரை நிகழ்கிறது. முழுமையான அளவு, பாதி மற்றும் பெனும்ப்ரல் வகை என 3 வகையான சந்திர கிரகணங்கள் நிகழ்ந்து வருகின்றன. இதில் இன்றைய சந்திர கிரகணம் பெனும்ப்ரல் வகையிலானதாகும். அதாவது ஜனவரி 10 ஆம் தேதி நிகழும். இந்த வான் நிகழ்விற்கு நாசா ‘ஓநாய் சந்திர கிரகணம்’ என்று பெயரிட்டுள்ளது, இது இந்த முறை இந்தியாவில் தெரியும். அதே நேரத்தில், ஆசியா, ஆப்பிரிக்கா மற்றும் ஐரோப்பா முழுவதும் உள்ள நாடுகளும் சந்திர கிரகணத்தைக் காண முடியும், மேலும் முழு சந்திர கிரகணம் 4 மணி நேரம் 5 நிமிடங்கள் என நிர்ணயிக்கப்பட்டுள்ளது.

இதனை தொடர்ந்து, பெனும்ப்ரல் வகை என்பது பூமியின் நிழல் மிகவும் குறைவான அளவு மட்டுமே சந்திரனில் விழும். நமது சந்திரன் பூமியின் பின்னால் நேரடியாகச் செல்லும்போது சந்திர கிரகணம் நிகழ்கிறது, அப்போது பூமி பகுதி அல்லது அனைத்து சூரிய ஒளியையும் சந்திரனின் மேற்பரப்பை அடையச் செய்கிறது. சூரியன், சந்திரன் மற்றும் பூமி ஆகியவை நெருக்கமாக இணைந்திருக்கும் போது மட்டுமே இது நிகழும், இது சிசிஜி என்று அழைக்கப்படும். இது ஒரு பௌர்ணமி இரவில் நிகழும். இந்த சந்திர கிரகணத்தை இந்தியாவில் அனைத்து பகுதி மக்களும் வெறும் கண்ணால் பார்க்க முடியும். எந்தவித பாதிப்பும் ஏற்படாது என்பது கூடுதல் அம்சம் ஆகும். இந்த ஆண்டில் ஜூன் 5, ஜூலை 5 மற்றும் நவம்பர் 30 ஆகிய நாட்களிலும் சந்திர கிரகணம் நிகழும் என கூறப்பட்டுள்ளது.