மேலூர் : மேலூர் ஒன்றியத்தில் 79 வயது, கமுதி ஊராட்சி ஒன்றியத்தில் 73 வயது மூதாட்டிகள், ஊராட்சி தலைவர் தேர்தலில் வெற்றி பெற்றுள்ளனர். மதுரை மாவட்டம், மேலூர் ஒன்றியத்தில் உள்ள அரிட்டாபட்டி ஊராட்சி தலைவர் பதவிக்கு 4 பெண்கள் உட்பட 7 பேர் போட்டியிட்டனர். இதில் 6 பேர் இளம் வயது போட்டியாளர்கள். இவர்களுடன் வீரம்மாள் என்ற 79 வயது மூதாட்டியும் களத்தில் இறங்கினார்.
கணவரை இழந்த இவருக்கு 2 மகன்கள் உள்ளனர். கடந்த 2 முறை உள்ளாட்சி தேர்தலில் போட்டியிட்டு தோல்வி அடைந்த இவர், மூன்றாவது முறையாக இந்த தேர்தலில் போட்டியிட்டார். தன்னை எதிர்த்து போட்டியிட்ட 6 பேரையும் தோற்கடித்து, தனக்கு அடுத்தப்படியாக வந்த வேட்பாளரை விட 195 வாக்குகள் அதிகம் பெற்று இவர் வெற்றி பெற்றார். வெற்றி பெற்று திரும்பிய மூதாட்டி வீரம்மாளை அவரது உறவினர்கள் மற் றும் கிராம மக்கள்மாலை அணிவித்து வரவேற்றனர்.
கமுதி : ராமநாதபுரம் மாவட்டம், கமுதி ஊராட்சி ஒன்றியம் அ.தரைக்குடி ஊராட்சி மன்ற தலைவராக போட்டியிட்ட 73 வயது மூதாட்டி தங்கவேலு 562 வாக்குகள் பெற்று, 62 வாக்குகள் வித்தியாசத்தில் வெற்றி பெற்றார்.
மேலூர், கமுதி ஒன்றிய ஊராட்சி தலைவர் தேர்தலில் 79, 73 வயது மூதாட்டிகள் வெற்றி
12:38 pm Jan 03, 2020 |
