சென்னை: நோயாளிகள் நிலை உணர்ந்து மருத்துவர்களின் கோரிக்கையை நிறைவேற்றுவதே அரசின் கடமையாகும் என திமுக தலைவர் மு.க.ஸ்டாலின் கூறியுள்ளார். இதுகுறித்து, டிவிட்டர் பதிவில் அவர் கூறியிருப்பதாவது:அனைத்து அரசு மருத்துவர் சங்கங்களின் போராட்டக்கோரிக்கைகளை பரிசீலிக்க வேண்டிய மக்கள் நல்வாழ்வுத்துறை அமைச்சரும், அதிகாரிகளும் பிரித்தாளும் சூழ்ச்சியை கையாள்வதுடன், பிரேக்-இன்-சர்வீஸ், நன்னடத்தை சான்றிதழில் கைவைப்பது, பணியிட மாற்றம் போன்ற நடவடிக்கைகளில் ஈடுபடுவது கொடுங்கோன்மை.
மருத்துவர்களின் ஒருங்கிணைந்த போராட்டத்தை காவல்துறை மூலம் ஒடுக்கிவிடலாம் என நினைக்காமல் நோயாளிகள் நிலை உணர்ந்து மருத்துவர்களின் கோரிக்கையை நிறைவேற்றுவதே அரசின் கடமையாகும். இவ்வாறு கூறியுள்ளார்.
மருத்துவர்களின் கோரிக்கையை நிறைவேற்றுவதே அரசின் கடமை : மு.க.ஸ்டாலின் வலியுறுத்தல்
12:09 am Nov 01, 2019 |
