தாஷ்கன்ட் ஓபன் டென்னிஸ் அரை இறுதியில் பிளிஸ்கோவா

தாஷ்கன்ட்: உஸ்பெகிஸ்தானில் நடைபெறும் தாஷ்கன்ட் ஓபன் டென்னிஸ் தொடரின் மகளிர் ஒற்றையர் பிரிவு அரை இறுதியில் விளையாட, செக் குடியரசு வீராங்கனை கரோலினா பிளிஸ்கோவா தகுதி பெற்றார்.கால் இறுதியில் ஸ்லோவகியாவின் விக்டோரியா குஸ்மோவாவுடன் நேற்று மோதிய பிளிஸ்கோவா 6-3, 6-4 என்ற நேர் செட்களில் வென்றார். பெல்ஜியம் வீராங்கனை அலிசான் வான், ரோமானியாவின் சொரானா சிர்ஸ்டீ, கடாரினா ஸவட்ஸ்கா (உக்ரைன்) ஆகியோரும் அரை இறுதிக்கு முன்னேறி உள்ளனர்.வுஹான் ஓபன்: சீனாவில் நடைபெறும் வுஹான் ஓபன் டென்னிஸ் தொடரின் மகளிர் ஒற்றையர் பிரிவு அரை இறுதியில் விளையாட முன்னணி வீராங்கனைகள் ஆஷ்லி பார்தி (ஆஸ்திரேலியா), அரினா சபலென்கா (பெலாரஸ்), பெத்ரா குவித்தோவா (செக் குடியரசு), அலிசான் ரிஸ்கி (அமெரிக்கா) ஆகியோர் தகுதி பெற்றுள்ளனர்.