காஷ்மீர் மாநிலத்தில் 2 தீவிரவாதிகள் சுட்டுக்கொலை

ஜம்மு: காஷ்மீரில் பாதுகாப்பு படைக்கும்,  தீவிரவாதிகளுக்கும் இடையே நடைபெற்ற துப்பாக்கி சண்டையில் 2 தீவிரவாதிகள் கொல்லப்பட்டனர். ஜம்மு காஷ்மீர் மாநிலத்தில் உள்ள சோபியன்  மாவட்டத்தில் தீவிரவாதிகள் பதுங்கி இருப்பதாக பாதுகாப்பு படையினருக்கு  ரகசிய தகவல் கிடைத்தது. அந்த பகுதிக்கு சென்ற பாதுகாப்பு  படையினர் தீவிர தேடுதல் வேட்டையில் ஈடுபட்டனர். அங்கு மறைந்திருந்த  தீவிரவாதிகள் பாதுகாப்பு படையினர் மீது துப்பாக்கிச்சூடு நடத்தினர். இதற்கு வீரர்களும்  பதில் தாக்குதல் நடத்தினர். இந்த தாக்குதலில் 2 தீவிரவாதிகள் சுட்டுக் கொல்லப்பட்டனர். அவர்களிடம் இருந்து பயங்கர  ஆயுதங்கள் பறிமுதல் செய்யப்பட்டன. கொல்லப்பட்ட தீவிரவாதிகள் எந்த இயக்கத்தை  சேர்ந்தவர்கள் என விசாரணை நடைபெற்று வருகிறது. மேலும், அந்த பகுதியில்  பாதுகாப்பு படையினர் தீவிர கண்காணிப்பில் ஈடுபட்டுள்ளனர்.