மின் நுகர்வோர் குறைதீர் கூட்டம்: 11ம் தேதி நடக்கிறது

சென்னை: வியாசர்பாடி கோட்டத்திற்கு உட்பட்ட மின் நுகர்வோர் குறைதீர் கூட்டம் வருகிற 11ம் தேதி நடக்கிறது. இதுகுறித்து தமிழ்நாடு மின் உற்பத்தி மற்றும் பகிர்மான கழகம் நேற்று வெளியிட்டுள்ள அறிக்கை: வியாசர்பாடி கோட்டத்திற்கான மின் நுகர்வோர் குறைதீர் கூட்டம், வருகிற 11ம் தேதி காலை 10.30 மணியளவில் 110/33 கி.வோ. வியாசர்பாடி துணை மின் நிலைய வளாகத்தில் (ராமலிங்கர் கோயில் எதிரில்) அமைந்துள்ள செயற்பொறியாளர், இயக்கம் மற்றும் பராமரித்தல், வியாசர்பாடி அலுவலகத்தில் நடைபெற உள்ளது. வியாசர்பாடி கோட்டத்திற்கு உட்பட்ட மின் நுகர்வோர் இந்த குறைதீர் கூட்டத்தில் கலந்துகொண்டு பயனடையலாம். இவ்வாறு அதில் கூறப்பட்டுள்ளது.