சிபிஎஸ்இ 12-ம் வகுப்பு தேர்வில் வெற்றி பெற்ற மாணவர்களுக்கு பிரதமர் மோடி வாழ்த்து

டெல்லி: சிபிஎஸ்இ 12-ம் வகுப்பு தேர்வில் வெற்றி பெற்ற மாணவர்களுக்கு பிரதமர் மோடி வாழ்த்து தெரிவித்துள்ளார்.  சிபிஎஸ்இ 12-ம் வகுப்பு பொது தேர்வு முடிவுகள் இன்று வெளியானது. சிபிஎஸ்இ 12-ம் வகுப்பு பொது தேர்வில் மாணவிகள் 2 பேர் முதலிடம் பிடித்து சாதனை படைத்துள்ளனர். காசியாபாத்தைச் சேர்ந்த ஹன்சிகா சுக்லா மற்றும் முசாபர்நகரைச் சேர்ந்த கரிஷ்மா ஆகியோர் 500 க்கு 499 எடுத்து முதலிடம் பிடித்துள்ளனர். சிபிஎஸ்இ 12-ம் வகுப்பு பொது தேர்வில் மண்டல அளவில் திருவனந்தபுரம் முதலிடம் பிடித்துள்ளது. திருவனந்தபுரம் 98.2%-மும், சென்னை மண்டலம் 92.93%  மாணவர்கள் தேர்ச்சி பெற்றுள்ளனர். 91.87%  தேர்ச்சியுடன் டெல்லி மண்டலம் 3 வது இடத்தை பிடித்துள்ளது. இதற்கிடையே, வெற்றிகரமாக சிபிஎஸ்இ 12-ம் வகுப்பு தேர்வில் தேர்ச்சி பெற்ற அனைத்து என் இளம் நண்பர்களுக்கு வாழ்த்துக்கள் என்று பிரதமர் மோடி தனது டுவிட்டர் பக்கத்தில் பதிவிட்டுள்ளார்.


பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி