பிளஸ் 2 தேர்வு முடிவுகள் இன்று வெளியீடு ; எஸ்எம்எஸ்சில் உடனடி தகவல்

சென்னை: பிளஸ் 2 தேர்வு முடிவுகள் இன்று காலை 9.30 மணிக்கு வெளியிடப்படுகிறது. தமிழகம் மற்றும் புதுச்சேரியை சேர்ந்த 7082 பள்ளிகளை சேர்ந்த 8 லட்சத்து 88 ஆயிரம் பிளஸ் 2 மாணவர்கள் தேர்வை கடந்த மாதம் எழுதினர். மாணவர்களின் விடைத்தாள் திருத்தும் பணி கடந்த வாரம் முடிந்தன. இதையடுத்து, இன்று காலை 9.30 மணிக்கு  பிளஸ் 2 தேர்வு முடிவுகள் இன்று வெளியிடப்படுகிறது.

அதே நேரத்தில் தேர்வு முடிவுகள் அனைத்து பள்ளிகளிலும் உள்ள கணினிக்கு ஆன்லைன் மூலம் அனுப்பி வைக்கப்படும். அவர்கள் தங்கள் தேர்வு முடிவை தாங்கள் படிக்கும் பள்ளியில் பார்த்துக் கொள்ளலாம். மேலும், தேர்வு எழுத விண்ணப்பிக்கும் போது தெரிவித்த செல்போன் எண்ணுக்கும் உடனடியாக தேர்வு முடிவுகள்  மதிப்பெண்களுடன் அனுப்பி வைக்கப்படும்.

தனித்தேர்வர்கள்: பிளஸ் 2 தேர்வை தனித் தேர்வர்களாக தேர்வு எழுதிய மாணவர்களுக்கும் ஆன்லைன் விண்ணப்பத்தில் கொடுத்த  செல்போன் எண்ணுக்கும் தேர்வு முடிவுகள் எஸ்எம்எஸ் மூலம் அனுப்பி வைக்கப்படும்.

இணையதளத்தில் பார்க்கலாம்: பிளஸ் 2 தேர்வு முடிவுகளை அரசுத் தேர்வுகள் இயக்ககத்தின் இணைய தளங்களான  www.tnresults.nic.in, www.dge1.tn.nic.in, www.dge2.tn.nic.in ஆகியவற்றிலும் மாணவர்கள் தெரிந்து  கொள்ளலாம்.


பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி