×

அமெரிக்காவில் இருந்து நாளை சென்னை திரும்புகிறார் விஜயகாந்த்: கூட்டணி குறித்து அறிவிக்க வாய்ப்பு

சென்னை: தேமுதிக தலைவர் விஜயகாந்த் கடந்த வருடம் டிசம்பர் 18ம் தேதி உடல்நலக்குறைவு காரணமாக மேல் சிகிச்சைக்காக அமெரிக்கா புறப்பட்டு சென்றார். அங்கு அவருக்கு பல்வேறு பயிற்சி அளிக்கப்பட்டது. இதுகுறித்து தேமுதிக வெளியிட்ட செய்தி குறிப்பில் கூறியிருப்பதாவது:தேமுதிக தலைவர் விஜயகாந்த் கடந்த வருடம் டிசம்பர் 18ம் தேதி மேல் சிகிச்சைக்காக அமெரிக்கா சென்றார். மேல்சிகிச்சை முடிந்து பூரண நலமுடன் வரும் 16ம் தேதி சனிக்கிழமை காலை 8.30 மணிக்கு தாயகம் திரும்ப உள்ளார்.முன்னதாக, நாடாளுமன்ற தேர்தலில் அதிமுக மற்றும் பாஜ உள்ளிட்ட கட்சிகளுடன் கூட்டணி குறித்து பேசி வருவதாகவும், இம்மாத இறுதிக்குள் கூட்டணி குறித்து அறிவிக்கப்படும் எனவும் தேமுதிக துணைப்பொதுசெயலாளர் எல்.கே.சுதீஷ் தெரிவித்தார். அதன்படி நாளை காலை சென்னை திரும்பும் தேமுதிக தலைவர் விஜயகாந்த் கட்சியினருடன் நாடாளுமன்ற தேர்தலில் கூட்டணி என்பது குறித்து அறிவிக்க வாய்ப்பு உள்ளது.



பொருத்தமான வரன்கள் உங்கள் சமூகத்தில், பதிவு இலவசம்! - தமிழ் மேட்ரிமோனி

Tags : Vijayakanth ,coalition ,Chennai ,America , USA, Chennai, Vijayakanth, and coalition
× RELATED அதிமுக கூட்டணி வேட்பாளர்களை ஆதரித்து...