பெங்களூரு: மைசூரு சாமுண்டி மலையில் வட மாநில மாணவி கூட்டு பலாத்காரம் செய்யப்பட்ட வழக்கில் தமிழகத்தைச் சேர்ந்த மேலும் ஒரு வாலிபரை போலீசார் கைது செய்துள்ளனர்.. கர்நாடகாவில் மைசூரு சாமுண்டீஸ்வரி மலைப்பகுதியில் கடந்த செவ்வாய்க் கிழமை வட மாநில பட்டதாரி மாணவி ஒருவர் தனது நண்பருடன் பைக்கில் சென்றார். அவர்களை வழிமறித்த கும்பல், ஆண் நண்பரை தாக்கி விட்டு மாணவியை கூட்டு பலாத்காரம் செய்து விட்டு தப்பியது. இந்த சம்பவம் கர்நாடக மாநிலத்தில் பெரும் பரபரப்பை ஏற்படுத்தியது. குற்றவாளிகளை கைது செய்யும்படி எதிர்க்கட்சிகள் வலியுறுத்தி வந்தன. போலீசார் 5 தனிப்படை அமைத்து குற்றவாளிகளை தேடி வந்த நிலையில் கடந்த சனிக்கிழமை 5 பேரை போலீசார் கைது செய்தனர்.அவர்களில் ஒருவர் சிறுவன் என்று கூறப்படுகிறது. மேலும் ஒருவர் தலைமறைவாக இருந்து வந்தார். முக்கிய குற்றவாளியாக கருத்தப்பட்ட அவரை போலீசார் தமிழகத்தில் முகாமிட்டு தேடி வந்தனர். இந்நிலையில் இன்று காலை மேலும் ஒரு வாலிபரை தனிப்படை போலீசார் கைது செய்துள்ளனர். வழக்கில் தேடப்பட்டு, தலைமறைவாக இருந்த 6வது நபரான பேபி என்ற விஜயகுமார் அவிநாசி அருகே ஆலந்தூரில் கைது செய்யப்பட்டார். ஏற்கனவே 5 பேரும் போலீஸ் காவலில் உள்ள நிலையில், இவரையும் காவலில் எடுத்து விசாரிக்க போலீசார் முடிவு செய்துள்ளனர்.சிக்கியது எப்படி?மாணவி பலாத்கார வழக்கு தொடர்பாக கைது செய்யப்பட்ட 6 பேரில் ஒருவன் கார் டிரைவர், மற்றவர்கள் கார்பென்டர், எலக்ட்ரிசியன் உள்ளிட்ட வேலைகளை செய்யும் நபர்கள். இவர்கள் அனைவரும் மைசூருவுக்கு வந்து காய்கறி விற்பனை செய்வது வழக்கம். தங்களின் வேலை முடிந்த பிறகு சாமுண்டீஸ்வரி மலை அடிவாரத்தில் மதுபானம் குடித்துவிட்டு சரக்கு வாகனத்தில் ஊர் திரும்பி விடுவர். மைசூருவில் தனியாக யாராக மாட்டினால் அவர்களிடம் பணத்தை பறித்து விட்டு தப்பி விடுவார்கள். இவர்களின் செல்போன் அலைக்கற்றையை வைத்து சாம்ராஜ் நகர் எல்லையில் உள்ள தாளவாடியில் இருவரையும், திருப்பூரில் 3 பேரையும் கர்நாடக போலீசார் கைது செய்துள்ளனர்….
The post கர்நாடகவை உலுக்கிய இளம் பெண் கூட்டு பலாத்கார சம்பவம் : தமிழகத்தைச் சேர்ந்த 6 பேரையும் கைது செய்தது போலீஸ் appeared first on Dinakaran.
