சந்தானம் படத்தை தொடர்ந்து அருண் விஜய்யின் அடுத்த படத்தில் புகழ்..!

விஜய் டிவியின் குக் வித் கோமாளி ஷோவில் காமெடியில் கலக்கி வருபவர் புகழ். அவருக்கு ரசிகர்களும் சமீப காலமாக அதிக அளவு உருவாகி இருக்கிறார்கள். குக் வித் கோமாளியின் அவர் செய்யும் சேட்டைகளை பார்த்து விழுந்து விழுந்து ரசிகர்கள் சிரித்து வருகிறார்கள். இந்நிலையில் தற்போது புகழ் சினிமாவில் நுழைய இருக்கிறார். அவர் அருண் விஜய்யின் அடுத்த படத்தில் காமெடியனாக நடிக்க ஒப்பந்தம் ஆகி இருக்கிறார்.

இந்த படத்தினை இயக்குனர் ஹரி இயக்குகிறார். ஹரி இயக்கிய சிங்கம் உள்ளிட்ட படங்களில் காமெடிக்கு அதிக முக்கியத்துவம் இருந்த நிலையில் அடுத்து அவர் இயக்கும் படத்தில் புகழ் இணைந்து இருப்பது எதிர்பார்ப்பை தூண்டி இருக்கிறது. புகழ் இந்த படத்தில் நடிப்பதை அதிகாரபூர்வமாகி போஸ்டர் வெளியிட்டு உறுதி செய்திருக்கிறார்கள். அருண் விஜய்யின் 33வது படமாக உருவாகும் இதில் ப்ரியா பவானி ஷங்கர் ஹீரோயினாக நடிக்கிறார்.