பசும்பொன் தேவர் வாழ்க்கை வரலாறு, தேசிய தலைவர் என்ற பெயரில் திரைப்படமாக உருவாகிறது. ஜெ.எம்.பஷீர் விரதம் இருந்து தேவர் வேடத்தில் நடிக்கிறார். அவருடன் இணைந்து ஏ.எம்.சவுத்ரி தயாரிக்கும் இப்படத்தை அரவிந்தராஜ் இயக்குகிறார். இவர் ஊமை விழிகள், உழவன் மகன், கருப்பு நிலா போன்ற படங்களை இயக்கியவர். பசும்பொன் தேவரின் சிஷ்யர் ஏ.ஆர்.பெருமாள் தேவர் எழுதிய ‘முடிசூடா மன்னர் பசும்பொன் தேவர்’’ என்ற புத்தகத்தை அடிப்படையாக வைத்து இப்படம் உருவாக்கப்படுகிறது. முக்கிய வரலாற்று தலைவர்கள் வேடத்தில் நடிப்பவர்களுக்கான தேர்வு நடக்கிறது.
பளு தூக்கும் வீராங்கனை பயோபிக்
பளு தூக்கும் போட்டியில் உலக அளவில் சாதனை படைத்து, ஒலிம்பிக் போட்டியில் பதக்கம் வென்றவர் கர்ணம் மல்லேஸ்வரி. தற்போது அவரது வாழ்க்கை சினிமா படமாகிறது. கோனா வெங்கட் எழுதுகிறார். தமிழ், தெலுங்கு, இந்தி ஆகிய மொழிகளில் உருவாகும் இதை எம்.வி.வி.சத்ய நாராயணா, கோனா வெங்கட் இணைந்து தயாரிக்கின்றனர். சஞ்சனா ரெட்டி இயக்குகிறார். மல்லேஸ்வரி கேரக்டரில் நடிப்பவருக்கான தேர்வு நடக்கிறது. விரைவில் படப்பிடிப்பு தொடங்குகிறது.
