பிரியங்கா சோப்ரா, தீபிகா படுகோனை பின்னுக்கு தள்ளிய பிரியா வாரியர்

2018ம் ஆண்டு இந்தியாவில் அதிகம் தேடப்பட்ட விவரங்கள் குறித்த பட்டியலை கூகுள் நிறுவனம் வெளியிட்டுள்ளது. ஒரு அடார் லவ்’ மலையாள படத்தில் நடித்திருப்பவர் பிரியா பிரகாஷ் வாரியர். இதில் காதலனை பார்த்து கண்ணடித்தும், புல்லட் முத்தம் தந்தும் நடித்திருக்கும் காட்சி இணைய தளத்தில் வெளியாகி ஒரே நாளில் டிரெண்டிங்கில் இடம்பிடித்தார். கோலிவுட் முதல் பாலிவுட் ஹீரோக்கள் வரை அவரது கண்ணடி ஸ்டைலை ரசித்து டுவிட்டரில் மெசேஜ் போட்டிருந்தனர்.

இந்நிலையில் 2018-ம் ஆண்டு அதிகம் தேடப்பட்ட நட்சத்திரமாக மலையாள நடிகை பிரியா பிரகாஷ் வாரியர் இடம் பிடித்துள்ளார். சமீபத்தில் வெளியான ரஜினிகாந்தின் 2.0 திரைப்படமும், நடிகர் அக்ஷய்குமார் பற்றியும் அதிகம் கூகுளில் தேடப்பட்டுள்ளதாக தெரிவித்துள்ளது. 2018ம் ஆண்டு கூகுள் தேடலில் விளையாட்டு மற்றும் பொழுதுபோக்கு தொடர்பான தேடல்கள் தான் அதிகம் இடம்பிடித்துள்ளன.

சினிமாவை பொறுத்தவரை பிரியங்கா சோப்ரா - நிக் ஜோனஸ், தீபிகா படுகோன் – ரன்வீர் சிங், சோனம் கபூர்-ஆனந்த் அஹுஜா போன்ற பிரபலங்களில் திருமண நிகழ்ச்சிகள் இந்த ஆண்டு நடைபெற்றது. அது தொடர்பான தேடல்களும் கூகுளில் அதிக அளவில் இடம்பெற்றன. மேலும், கர்நாடகா தேர்தல், மத்திய பட்ஜெட், சட்டப்பிரிவு 377 நீக்கம், ஃபிபா உலகக் கோப்பை, ஐபிஎல் தொடர்பாகவும் கூகுளில் அதிகம் தேடப்பட்டுள்ளது.

Tags : Priyanka Chopra ,Deepika Padukone ,Priya Warrior ,
× RELATED அமெரிக்காவின் லாஸ் ஏஞ்சல்ஸ் நகரில் 144...