குதிரைவாலி பணியாரம்

தேவையான பொருட்கள்:

குதிரைவாலி அரிசி - 1/2 கப்
தினை - 1/2 கப்
உளுத்தம்பருப்பு - 1/2 கப்
வெங்காயம் - 1 சிறியது
காய்ந்த மிளகாய் - 4
கேரட் - 1
உப்பு, எண்ணெய் - தேவையான அளவு.

தாளிக்க:

கடுகு, உளுத்தம் பருப்பு, சீரகம், சுக்கு, பெருங்காயம், கறிவேப்பிலை, கொத்துமல்லி.
 
செய்முறை:

குதிரைவாலி அரிசி, தினை, உளுத்தம் பருப்பு இவற்றை 4 மணி நேரம் ஊறவைத்த பின் இட்லி மாவு பதத்துக்கு அரைத்து உப்பு சேர்த்து கரைத்து 4 மணி நேரம் புளிக்க விட வேண்டும். வெங்காயம், கொத்தமல்லியை பொடியாக நறுக்கி கொள்ளவும். கேரட் டை தோல் நீக்கி துருவிக் கொள்ளவும். பின் கடாயில் எண்ணெய் ஊற்றி கடுகு, உளுத்தம் பருப்பு, சீரகம், காய்ந்த மிளகாய், சுக்கு, கறிவேப்பிலை, கொத்தமல்லி, பெருங்காயம் இவற்றை போட்டு தாளித்த பின் வெங்காயத்தை போட்டு வதக்கவும். அடுத்து துருவிய கேரட்டை போட்டு வதக்கி, இவற்றை அரைத்து வைத்துள்ள மாவில் கலந்து கொள்ளவும். பணியாரச் சட்டியை அடுப்பில் வைத்து சூடானதும் அதில் எண்ணெய் ஊற்றி காய்ந்ததும், மாவை ஊற்றி வெந்ததும் திருப்பி போட்டு எடுக்கவும். சுவையான சத்தான  குதிரைவாலி பணியாரம் தயார்.