சென்னை: சிம்புதேவன் இயக்கத்தில் யோகிபாபு நடிக்கும் திரைப்படத்தின் அப்டேட் வெளியானது. இம்சை அரசன் 23ம் புலிகேசி, அறை எண் 302ல் கடவுள், இரும்புக்கோட்டை முரட்டு சிங்கம், ஒரு கன்னியும் மூணு களவாணிகளும், புலி, கசடதபற உள்ளிட்ட படங்களை இயக்கியவர் சிம்புதேவன். தற்போது இவர் யோகிபாபுவை ஹீரோவாக வைத்து நெய்தல் பின்னணியிலான திரைப்படம் ஒன்றை இயக்கி வருகிறார். இந்த திரைப்படத்திற்கு ஜிப்ரான் இசையமைக்கிறார்.
இதற்கிடையே சிம்புதேவன் – யோகிபாபு கூட்டணியிலான புதிய படத்தின் தலைப்பு சமீபத்தில் வெளியானது. இயக்குநர்கள் வெங்கட் பிரபு மற்றும் விக்னேஷ் சிவன் ஆகியோர் இதனை வெளியிட்டனர். படத்துக்கு ‘போட்’ (BOAT) என பெயர் வைத்துள்ளனர். சப் டைட்டிலாக ‘நெய்தல் கதை’ என்றும் வைக்கப்பட்டுள்ளது. முழுக்கவும் நடுக்கடலில் தயாராகும் திரைப்படம் எனவும் இதில் படகோட்டியாக யோகி பாபு நடிப்பதாகவும் தெரிவிக்கப்பட்டுள்ளது. படத்தின் டீசர் விரைவில் வெளியாக உள்ளது.
The post சிம்புதேவன் இயக்கத்தில் யோகி பாபு appeared first on Kollywood News | Kollywood Images - Cinema.dinakaran.com.
