இராக்கதன்

தினேஷ் கலைச்செல்வன் இயக்கியுள்ள படம், ‘இராக்கதன்’. சென்னை, திருச்சி, காரைக்கால், வேளாங்கண்ணி ஆகிய பகுதிகளில் படப்பிடிப்பு நடந்துள்ளது. வம்சி கிருஷ்ணா, ரியாஸ்கான், தினேஷ் கலைச்செல்வன், விக்னேஷ் பாஸ்கர், காயத்ரி ரெமா, சாம்ஸ், நிழல்கள் ரவி, சஞ்சனா சிங், ஆல்பிரெட் நடித்துள்ளனர். இப்படத்தின் பாடல்களை சைந்தவி, ஜி.வி.பிரகாஷ் குமார் பாடியுள்ளனர். மானஸ் பாபு ஒளிப்பதிவு செய்ய, ஏ.பிரவீன் குமார் இசை அமைத்துள்ளார்.

பாபு கிறிஸ்டியன், தினேஷ் கலைச்செல்வன் பாடல்கள் எழுதியுள்ளனர். மருதம் புரொடக்‌ஷனுக்காக ராணி ஹென்றி சாமுவேலுடன் இணைந்து எம்.ஏ.ஜி.பாஸ்கர் தயாரித்துள்ளார். தினேஷ் கலைச்செல்வன் கூறுகையில், ‘இராக்கதன் என்றால் அரக்கன் என்று பொருள். இரா என்பது இரவையும், கதன் என்பது ஒரு ஆணையும் குறிக்கிறது. இது இரவு நேர ஆண் என்ற மற்றொரு பொருளையும் உள்ளடக்கியது. இந்த சமூகத்தில் கலாச்சார சீரழிவு என்பது பெண்களுக்கு மட்டுமல்ல, ஆண்களுக்கும்தான். இப்படத்தின் கதை வெவ்வேறு கோணங்களில் விவரிக்கப்பட்டுள்ளது. முழுநீள கிரைம் திரில்லர் கதையாக உருவாகியுள்ளது. விரைவில் படம் திரைக்கு வருகிறது’ என்றார்.

The post இராக்கதன் appeared first on Kollywood News | Kollywood Images - Cinema.dinakaran.com.