டிஜிட்டல் கைது மோசடியில் ஈடுபட்ட நான்கு குற்றவாளிகள் கைது

சென்னை: தமிழ்நாட்டு பொதுமக்களை குறிவைத்து வட இந்தியாவில் இருந்து செயல்படும் ஒரு சைபர் மோசடி கும்பலை தமிழ்நாடு சைபர் குற்றப் பிரிவு அடையாளம் கண்டுள்ளது. இதுவரை 2025 ஆம் ஆண்டில் மட்டுமே இதுபோன்ற மோசடிகள் தொடர்பாக தேசிய சைபர் குற்றப் புகார் போர்டல் மூலம் 350க்கும் மேற்பட்ட புகார்கள் பெறப்பட்டன. டிஜிட்டல் கைது மோசடியில் ஈடுபட்ட நான்கு குற்றவாளிகளை இந்தப் பிரிவு கைது செய்துள்ளது.

இந்த வழக்கில் வேலூர் மாவட்டத்தைச் சேர்ந்த ஒரு பாதிக்கப்பட்டவருக்கு, பெங்களூரு காவல்துறையைச் சேர்ந்த ஒரு போலீஸ் அதிகாரியை போல தன்னை அடையாளம் காட்டிகொண்டு ஆள்மாறாட்டம் செய்து, பாதிக்கப்பட்டவர் மனித கடத்தல் மற்றும் வெளிநாட்டு வேலை மோசடி தொடர்பான வழக்கில் தொடர்புடையவர் என்று பொய்யாகக் கூறி தன்னை அறிமுகப்படுத்தி கொண்டார்.

மேலும் மோசடி செய்பவர்கள் சட்ட நடவடிக்கை எடுக்கப் போவதாக மிரட்டினர், அவ்வாறு சிக்கிக் கொள்ளாமல் இருக்க பணத்தை மாற்றும்படி பாதிக்கப்பட்டவரை வற்புறுத்தினர் கைது செய்யப்படுவதற்கு பயந்து போன பாதிக்கப்பட்டவர் இது ஒரு மோசடி என்பதை உணரும் முன்பே £81,68,000 பரிமாற்றம் செய்தார். இதைத் தொடர்ந்து, சென்னை சைபர் கிரைம் பிரிவு தலைமையகம் SCCIC (மாநில சைபர் கிரைம் புலனாய்வு மையம்), குற்ற எண் 23/2025, சட்ட பிரிவு 318(4) ANS மற்றும் 660 IT (திருத்தம்) சட்டம், 2008 கீழ் வழக்கு பதிவு செய்தது.

மேற்கண்ட வழக்கின் விசாரணையின் போது அனைத்து வங்கி கணக்குகளில் விவரங்கள் பெற்று விசாரணை செய்யப்பட்டது. மோசடி பரிவர்த்தனையில் பயன்படுத்தப்பட்ட முதல்-நிலை வங்கிக் கணக்குகளில் ஒன்று கோவை மாவட்டம் பொள்ளாச்சியைச் சேர்ந்த கே. ஷோபனாவுக்குச் சொந்தமானது என்பது கண்டறியப்பட்டது.

அவர் கைது செய்யப்பட்டார் விசாரணையின் போது, தனது சகோதரர் எம். சுரேஷ் தனது பெயரில் ஒரு வங்கிக் கணக்கைத் திறக்க அறிவுறுத்தியதாகவும் ஆன்லைன் கேமிங் தொழிலுக்கு கணக்கைப் பயன் படுத்தினால் கமிஷன் கிடைக்கும் என்று வாக்குறுதி அளித்ததாகவும் ஒப்புக்கொண்டார். சுரேஷின் வாக்குமூலத்தின் அடிப்படையில், கோயம்புத்தூரைச் சேர்ந்த கால்நடைத் தீவன வியாபாரியான அவரது நண்பர் செந்தில் அவருக்கு வழிகாட்டினார் என்பதும் தெரியவந்தது அவர் லாபம் ஈட்ட வங்கிக் கணக்குகளை உருவாக்கும் யோசனையை அவருக்கு கொடுத்துள்ளார்.

மேலும் விசாரித்ததில் ஷோபனாவின் கணவர் கார்த்திக் சுரேஷ் அறிமுகப்படுத்திய நபரான பியூஷ் என்ற நபரைத் தொடர்பு கொண்டு ஆன்லைன் கேமிங் தொழிலில் ஈடுபட்டால் பியூஷ் வருமானத்தில் 2% லாபம் தருவதாக உறுதியளித்தார் மேலும், கார்த்திக்கிடம் வங்கிக் கணக்கைத் திறந்து, நெட் பேங்கிங்கை அமைத்து, உள்நுழைவுச் சான்றுகள், மின்னஞ்சல் ஐடி, மொபைல் போன் மற்றும் சிம் கார்டு ஆகியவற்றை ஒப்படைக்கச் சொன்னார். பியூஷ் கார்த்திக்கை லக்னோவில் சந்திக்கும்படியும் கேட்டுக் கொண்டார் கார்த்திக் மாற்றுத்திறனாளி என்பதால், அவர் தனது மனைவியின் மூத்த சகோதரர் பிரபுவிடம் அந்தப் பணியை ஒப்படைத்தார் அவர் அடிக்கடி வடக்கு மாநினங்களுக்குச் செல்லும் லாரி ஓட்டுநராக இருக்கிறார். பிரபு லக்னோவுக்குச் சென்று வங்கிப் விவரங்களை பியூஷிடம் ஒப்படைத்தார். அதைத் தொடர்ந்து, ஜனவரி 2 மற்றும் 3, 2025 அன்று, ஷோபனாவின் வங்கிக் கணக்கிற்கு ரூ.12 லட்சம் பணம் மாற்றப்பட்டது.

மேற்கண்ட நபர்களை கைது செய்யும் போது அவர்களிடமிருந்து ஒரு மடிக்கணினி மற்றும் ஐந்து செல்போன்கள் பறிமுதல் செய்யப்பட்டன இது தொடர்பாக, குற்றம் சாட்டப்பட்ட கே ஷோபனா எம்.சுரேஷ், எஸ் செந்தில் குமார் மற்றும் எஸ்.கார்த்திக் ராஜா ஆகியோர் நீதிமன்றக் காவலுக்கு அனுப்பப்பட்டுள்ளனர். மேலும் விசாரணை நடந்து வருகிறது.

பொதுமக்களுக்கான அறிவுரைகள்
1. காவல்துறை அல்லது அரசு நிறுவனத்தைச் சேர்ந்தவர்கள் என்று கூறி யாராவது அழைத்தால் பீதி அடைய வேண்டாம்.
2. அழைப்பவரின் அடையாளத்தைச் சரிபார்க்கவும்.
3. ஒருபோதும் பணத்தை மாற்றவோ அல்லது தெரியாத அழைப்பாளர்களுடன் முக்கியமான தகவல்களை (OTP, கடவுச்சொற்கள், வங்கி விவரங்கள், ஆதார், PAN) பகிரவோ வேண்டாம்.
4. சட்ட அமலாக்க அதிகாரிகள் ஒருபோதும் தொலைபேசி அழைப்பின் மூலம் பணம் கேட்கவோ அல்லது பணம் செலுத்தாததற்காக கைது செய்வதை அச்சுறுத்தவோ மாட்டார்கள்
5 உங்கள் வங்கிக் கணக்கு ATM அட்டை அல்லது மொபைல் சிம்மை யாருக்கும் கடன் கொடுக்க வேண்டாம் – நீங்கள் அறியாமல் சைபர் குற்றத்திற்கு உதவலாம்.
6. சந்தேகத்திற்கிடமான இணைப்புகளைக் கிளிக் செய்வதையோ அல்லது சரிபார்க்கப்படாத வலைத்தளங்களில், குறிப்பாக வேலைகள் அல்லது லாபத்தை உறுதியளிக்கும் வலைத்தளங்களில் பதிவு செய்வதையோ தவிர்க்கவும்
7. ஆன்லைன் கேமிங் அல்லது முதலீட்டுத் திட்டங்களில் பயன்படுத்த உங்கள் கணக்கு அல்லது டிஜிட்டல் சான்றுகளை வழங்க வேண்டாம்.
8. அனைத்து வங்கி மற்றும் மின்னஞ்சல் கணக்குகளிலும் இரண்டு காரணி அங்கீகாரத்தை (2FA) இயக்கவும்
9. வலுவான மற்றும் தனித்துவமான கடவுச்சொற்களைப் பயன்படுத்தவும். அவற்றைத் தொடர்ந்து புதுப்பிக்கவும்.
10. குடும்ப உறுப்பினர்களுக்கு, குறிப்பாக மூத்த குடிமக்களுக்கு இதுபோன்ற மோசடிகள் குறித்து எச்சரிக்கை கொடுக்கவும்.
11. சந்தேகத்திற்கிடமான அழைப்புகளை உடனடியாகத் துண்டித்து புகாரளிக்கவும் அத்தகைய அழைப்புகளை பயன்படுத்தவோ பதிலளிக்கவோ வேண்டாம்.

புகார் அளித்தல்;
நீங்கள் இதுபோன்ற மோசடிகளுக்கு பலியாகி இருந்தால், சைபர் கிரைம் பிரிவு வழங்கும் கட்டணமில்லா உதவிக்கு 1930 என்ற எண்ணை டயல் செய்யவும் அல்லது www.cybercrime.gov.in என்ற முகவரியில் உங்கள் புகாரைப் பதிவு செய்யவும்.

The post டிஜிட்டல் கைது மோசடியில் ஈடுபட்ட நான்கு குற்றவாளிகள் கைது appeared first on Dinakaran.