பரங்கிக்காய் ஊறுகாய்

தேவையானவை:

விதை நீக்கி தோலுடன் நறுக்கிய கும்மடிக்காய் – 1 கப்,
முழு வெந்தயம் – ½ டீஸ்பூன்,
மிளகாய் பொடி, உப்பு – தலா 50 கிராம்,
கடுகுப் பொடி – 25 கிராம்,
பெருங்காய பொடி – 20 கிராம்,
நல்லெண்ணெய் – 150 கிராம்.

செய்முறை:

உப்பு, முழு வெந்தயம், கடுகுதூள், காரப்பொடி, பெருங்காயப்பொடியில் நல்லெண்ணெய் விட்டு நன்கு தோசை மிளகாய் பொடி போல் இறக்கமாக கலக்கி ஒரு கிண்ணம் அல்லது கண்ணாடி, பீங்கான் பாத்திரத்தில் போட்டு மேலே வெள்ளை துணியால் இறுகக் கட்டி வெயிலில் 1 மணி நேரம் வைத்து எடுக்கவும். நறுக்கிய கும்மடிக்காய் துண்டுகளை ஈரமின்றி நன்கு துடைத்து வெயிலில் 2 மணி நேரம் வைத்து நன்கு ஆறவிடவும். எண்ணெய் கலந்த மசாலா நன்கு ஆறியபின் காய் கலந்து நன்கு கிளறி, மறுநாள் உபயோகிக்கவும். ஃபிரிட்ஜில் வைத்து பரிமாறினால் 15 நாட்கள் இருக்கும். வெள்ளை சாதத்துடன் நெய் விட்டு கலந்து சாப்பிட அருமையாக இருக்கும்.

The post பரங்கிக்காய் ஊறுகாய் appeared first on Dinakaran.