சென்னை: தமிழகத்தில் வெப்பம் அதிகரிப்பு வெப்ப சலனம் ஏற்பட்டு நேற்று முன்தினம் மாலையில் இருந்தே நேற்று அதிகாலையிலும் தமிழகத்தில் பல்வேறு இடங்களில் இடிமின்னலுடன் மழை பெய்துள்ளது. குறிப்பாக தர்மபுரி 24 மிமீ, பாலக்கோடு, ஈரோடு 35.8மிமீ, சத்தி 14மிமீ, பவானி, பகுதியில் மழை பெய்துள்ளது. பெரும்பாலான இடங்களில் 10 மிமீ மழை பெய்துள்ளது. சென்னையில், அதிகபட்சமாக மேடவாக்கத்தில் நேற்று 127 மிமீ மழை பெய்துள்ளது. சாலிகிராமம் 78 மிமீ, நுங்கம்பாக்கம் 60மிமீ, பாரிமுனை 70மிமீ, நெற்குன்றம் 74மிமீ, வளசரவாக்கம் 75மிமீ, ராஜாஅண்ணாமலைபுரம் 73 மிமீ, அமைந்தகரை 50மிமீ, மழை பெய்தது.
இதன் காரணமாக சென்னை நகரில் மேற்கண்ட இடங்களில் சாலைகளில் மழை நீர் பெருக்கெடுத்து ஓடியது. பொதுமக்களின் இயல்பு வாழ்க்கை பாதிக்கப்பட்டது. இந்நிலையில், தென்னிந்திய பகுதிகளின் மேல் வளி மண்டல கீழடுக்கு பகுதிகளில் கிழக்கு மற்றும் மேற்கு திசை காற்று சந்திக்கும் பகுதி நிலை கொண்டுள்ளது. இதன் காரணமாக 17ம் தேதி முதல் 22ம் தேதி வரையில் தமிழகத்தில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யும் வாய்ப்புள்ளது.
The post தமிழகத்தில் 6 நாட்களுக்கு இடி மின்னலுடன் மழை appeared first on Dinakaran.
