- துறை
- சென்னை
- முதன்மை தலைமை பாதுகாவலர்
- ராகேஷ் குமார் டோக்ரா
- கேரளா
- கர்நாடக
- தமிழ்நாடு: உச்ச நீதிமன்றம்
- வனத்துறை?: பொது
சென்னை: முதன்மை தலைமை வனப் பாதுகாவலர் ராகேஷ் குமார் டோக்ரா வெளியிட்டுள்ள செய்திக்குறிப்பு:
கேரளா, கர்நாடகா மற்றும் தமிழ்நாடு மாநிலங்களின் தீவிர ஒத்துழைப்புடன் இன்று மற்றும் நாளை (பிப்.27,28) ஒருங்கிணைந்த பெருங்கழுகு கணக்கெடுப்பு நடத்த திட்டமிடப்பட்டுள்ளது. 7 பாதுகாக்கப்பட்ட வனப்பகுதிகளில் கணக்கெடுப்பு நடத்த திட்டமிடப்பட்டுள்ளது. இந்தக் கணக்கெடுப்பிற்கான இடம், தளவாடங்கள் மற்றும் பின்பற்ற வேண்டிய வழிமுறைகள் பற்றிய விவரங்கள் பகிர்ந்து கொள்ளப்பட்டன.
3 மாநிலங்களிலும் மொத்தமாக 106 இடங்களில் கணக்கெடுப்பு நடத்தப்படும் என்று ஒருங்கிணைப்புக் கூட்டத்தில் முடிவு செய்யப்பட்டுள்ளது. தமிழ்நாட்டைப் பொறுத்தவரை, 33 இடங்களில் கணக்கெடுப்பு நடத்தப்படும், மேலும் அதிகபட்சமாக 220 நபர்கள் கணக்கெடுப்புப் பணியில் ஈடுபடுத்தப்படுவார்கள், இதில் வனத்துறை கள ஊழியர்கள், பெருங்கழுகு நிபுணர்கள், அரசு சாரா அமைப்புகள், மாணவர்கள் மற்றும் தன்னார்வலர்கள் அடங்குவர். இதற்காக தன்னார்வலர்களுக்கு தேவையான பயிற்சி மற்றும் விழிப்புணர்வு நிகழ்ச்சிகள் நடத்தப்பட்டு வருகிறது.
தமிழ்நாடு அரசு மேற்கொண்ட தீவிர பாதுகாப்பு நடவடிக்கைகளால், ஓரியண்டல் வெள்ளை பெருங்கழுகுகளின் சிறந்த இனப்பெருக்க எண்ணிக்கை தமிழ்நாட்டில் அதிகம் காணப்படுகிறது. நீண்ட அலகு கொண்ட பெருங்கழுகுகள், சிவப்பு தலை பெருங்கழுகு, எகிப்திய பெருங்கழுகு, இமயமலை கிரிபோன் மற்றும் சினீரியஸ் பெருங்கழுகு போன்ற பிற இனங்களும் தமிழ்நாட்டில் இதுவரை பதிவு செய்யப்பட்டுள்ளன. இந்த ஒருங்கிணைந்த பெருங்கழுகு எண்ணிக்கை கண்காணிப்பு, நீண்ட கால மக்கள் சார்ந்த மேம்பாட்டு நடவடிக்கைகளின் தாக்கத்தை புரிந்துகொள்வதற்கும், கண்காணிப்பதற்கும் ஒரு முக்கியமான நடவடிக்கையாகும், இதனால் பெருங்கழுகு இனங்களின் பாதுகாப்பு நடவடிக்கைகளை சிறப்பாக திட்டமிட்டு செயல்படுத்த இயலும்.இவ்வாறு அதில் குறிப்பிடப்பட்டுள்ளது.
The post 3 மாநிலங்களில் ஒருங்கிணைந்த பெருங்கழுகுகள் கணக்கெடுப்பு: வனத்துறை தகவல் appeared first on Dinakaran.
