- அணி சாம்பியன்ஸ் டிராபி
- பாக்கிஸ்தான்
- நியூசிலாந்து
- கராச்சி
- ஐசிசி சாம்பியன்ஸ் டிராபி
- சாம்பியன்ஸ் டிராபி
- இங்கிலாந்து
- இந்தியா
- தின மலர்
கராச்சி: 9வது ஐசிசி சாம்பியன்ஸ் டிராபி கிரிக்கெட் தொடர் பாகிஸ்தானில் நாளை தொடங்குகிறது.கடைசியாக கடந்த 2017ம் ஆண்டில் இங்கிலாந்தில் நடந்த சாம்பியன் டிராபி தொடர் பைனலில் இந்தியாவை வீழ்த்தி பாகிஸ்தான் சாம்பியன் பட்டம் வென்றது. அதன்பின்னர் சாம்பியன் டிராபி தொடர் நடத்தப்படவில்லை. தற்போது 8 ஆண்டுகளுக்கு பின்னர் மீண்டும் நடத்தப்படும் இந்த தொடரில் ஒருநாள் போட்டிக்கான தரவரிசையில் டாப் 8 இடங்களை பிடித்தஅணிகள் பங்கேற்கின்றன. இவை தலா 2 பிரிவுகளாக பிரிக்கப்பட்டு லீக் சுற்றில்மோதுகின்றன. ஏ பிரிவில் இந்தியா,பாகிஸ்தான், நியூசிலாந்து, வங்கதேசமும், பி பிரிவில் ஆஸ்திரேலியா, தென்ஆப்ரிக்கா, இங்கிலாந்து, ஆப்கானிஸ்தான் ஆகிய அணிகள் இடம்பிடித்துள்ளன.
லீக் சுற்றில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலாஒரு முறை மோதும். இதன் முடிவில் இரு பிரிவிலும் முதல் 2 இடம் பிடிக்கும் அணிகள் அரையிறுதிக்கு தகுதி பெறும். பாகிஸ்தானின் லாகூர், கராச்சி, ராவல்பிண்டி ஆகிய மைதானங்களில் போட்டிகள் நடைபெறுகிறது. பாதுகாப்பு அச்சுறுத்தல் காரணமாக இந்திய அணி பாகிஸ்தான் செல்லமறுத்துவிட்டது. இதனால் இந்தியா பங்கேற்கும் போட்டிகள் மட்டும் துபாயில் நடைபெறுகிறது. லீக், அரையிறுதி, பைனல் என மொத்தம் 15 போட்டிகள் நடைபெறுகிறது.
அனைத்து போட்டிகளும் பகலிரவு ஆட்டங்களாகவே நடைபெற உள் ளது. இந்திய நேரப்படி மதியம் 2.30 மணிக்கு போட்டி தொடங்கி நடைபெறும். இதில் நாளை கராச்சியில் நடைபெறும் முதல் போட்டியில் ஏ பிரிவில் போட்டியை நடத்தும் பாகிஸ்தான், நியூசிலாந்துடன் மோத உள்ளது. முகமதுரிஸ்வான் தலைமையிலான பாகிஸ்தான் அணி அண்மையில் முத்தரப்பு தொடரில் 2 முறை நியூசிலாந்திடம் தோல்வி அடைந்த நிலையில் அதில் இருந்து மீண்டு வெற்றியுடன் தொடக்க வேண்டிய நெரு க்கடியில் உள்ளது.
பேட்டிங்கில் பா பர் அசாம், பகார் ஜமான், சல்மான் ஆகா , கம்ரான் குலாம், குஷ்தில் ஷா, பவுலிங்கில் , ஷாகின் ஷா அப்ரிடி, நசீம்ஷா,, ஹரிஸ் ரவூப் பவுலிங்லும் ஆகியோர் மீது எதிர்பார்ப்பு உள்ளது. மறுபுறம் மிட்செல் சான்ட்னர் தலைமையிலான நியூசிலாந்து அணியில் கேன் வில்லிம்சன், டோவன் கான்வே, டேரில் மிட்செல், லதாம், பிலிப்ஸ் பேட்டிங்கில் வலு சேர்ப்பர். பவுலிங்கில் வில் ஓ ரூர்க்,ஜேக்கப் டஃபி, லாக்கி பெர்குசன் எதிரணிக்கு நெருக்கடி அளிப்பர். இருஅணிகளும் வெற்றியுடன் தொடங்க போராடும் என்பதால் ஆட்டத்தில் பரபரப்புக்கு பஞ்சம் இருக்காது. தொ டரின் அனை த்து போட்டிகளையும் ஸ்டார் ஸ்போ ர்ட்ஸ் மற்றும் ஜியோ ஹாட்ஸ்டாரில் ஓடிடி தளத்தில் இலவசமாக பார்க்ககலாம்.
The post 8 அணிகள் பங்கேற்கும் சாம்பியன்ஸ் டிராபி தொடர் நாளை தொடக்கம்: கராச்சியில் பாகிஸ்தான்- நியூசிலாந்து மோதல் appeared first on Dinakaran.
