ஊட்டி: ஊட்டி தாவரவியல் பூங்காவில் பால்சம் மலர் தொட்டிகளை கொண்டு நட்சத்திர வடிவில் மலர் அலங்காரம் செய்யப்பட்டுள்ளது. நீலகிரி மாவட்டம் ஊட்டியில் உள்ள தாவரவியல் பூங்காவிற்கு கோடை காலங்களில் ஏராளமான சுற்றுலா பயணிகள் வருகின்றனர். அவர்களை மகிழ்விக்கும் பொருட்டு பூங்கா தயார் செய்யப்படும். தற்போது கோடை சீசனுக்காக பூங்கா தயார் செய்யும் பணிகள் நடந்து வருகிறது. இதனால், பூங்காவில் உள்ள அனைத்து மலர் செடிகளும் அகற்றப்பட்டது. தற்போது நாற்று உற்பத்தியில் பூங்கா ஊழியர்கள் ஈடுபட்டுள்ளனர். பூங்காவில் மலர்கள் இன்றி வெறிச்சோடி காணப்படுகிறது.
இதனால், பூங்காவிற்கு வரும் சுற்றுலா பயணிகள் ஏமாற்றம் அடையாமல் இருக்க, நுழைவு வாயில் பகுதியில் நட்சத்திர வடிவிலான பாத்திகளில் பால்சம் மலர் தொட்டிகளை கொண்டு அலங்காரம் செய்யப்பட்டுள்ளது. இது சுற்றுலா பகுதிகளை வெகுவாக கவர்ந்துள்ளது. கோடை சீசனுக்காக மலர் செடிகள் நடவு செய்யும் வரை இந்த மலர் அலங்காரம் இருக்கும் என ஊழியர்கள் தெரிவித்தனர்.
The post ஊட்டி தாவரவியல் பூங்காவில் நட்சத்திர வடிவில் மலர் அலங்காரம் appeared first on Dinakaran.
