கங்கர்: சட்டீஸ்கர் மாநிலத்தில் உள்ள பஸ்தர்,சுக்மா, கங்கர் உள்ளிட்ட மாவட்டங்களில் நக்சலைட்டுகள் தாக்குதல்கள் அடிக்கடி நடக்கின்றன. இதையடுத்து நக்சல்கள் பாதிப்புக்குள்ளான மாவட்டங்களில் நக்சல்களை ஒழிக்க ஒன்றிய அரசு தீவிரம் காட்டி வருகிறது. அந்த மாவட்டங்களில் கூடுதல் படைகள் அனுப்பப்பட்டுள்ளன.
இந்த நிலையில்,மூத்த நக்சலைட்டு தலைவர் பிரபாகர் ராவ் என்ற பால்முரி நாராயண் ராவை பாதுகாப்பு படையினர் கைது செய்துள்ளனர். பிரபாகர் ராவை கண்டுபிடித்து தந்தால் ரூ.25 லட்சம் பரிசு வழங்கப்படும் என்று அறிவிக்கப்பட்டு இருந்தது குறிப்பிடத்தக்கது. அவரிடம் போலீசார் தீவிர விசாரணை நடத்தி வருகின்றனர்.
The post சட்டீஸ்கரில் நக்சலைட் தலைவர் பிரபாகர் ராவ் கைது appeared first on Dinakaran.
