- வெலகொவோ
- திருப்பூர்
- சரஸ்வதி
- ரகவி
- வேலகோய்-செம்மண்டம்பளையம் சாலை
- காங்கோ
- முதல் அமைச்சர்
- சட்டமன்ற உறுப்பினர்
- கே. ஸ்டாலின்
திருப்பூர் : காங்கேயத்தில் வெள்ளகோயில் – செம்மாண்டாம்பாளையம் சாலையில் நடைபெற்ற விபத்தில் உயிரிழந்த சரஸ்வதி மற்றும் ராகவி ஆகியோரது குடும்பத்தினருக்கு தலா ரூ. 2 லட்சம் நிவாரண நிதி வழங்க முதலமைச்சர் மு.க.ஸ்டாலின் உத்தரவு பிறப்பித்துள்ளார்.
இது தொடர்பாக அவர் வெளியிட்டுள்ள பதிவில், “திருப்பூர் மாவட்டம், காங்கயம் வட்டம், வெள்ளகோவில் செம்மாண்டாம்பாளையம் பெரியசாமி நகர் அருகில் இன்று (10.12.2024) காலை வெள்ளகோவில், சாலை, அகலரப்பாளையம்புதூர் அரசு ஆரம்பப்பள்ளியில் உதவி தலைமை ஆசிரியராகப் பணிபுரிந்துவந்த திருமதி.சரஸ்வதி (வயது 50) க/பெ.கணபதி, அதே பள்ளியில் பயிலும் ஒரே குடும்பத்தைச் சேர்ந்த அகலரப்பாளையம்புதூரைச் சேர்ந்த மாணவிகள் செல்வி.ராகவி (வயது 10) த/பெ.கார்த்தி மற்றும் செல்வி.யாழினி (வயது 8) பெ.கார்த்தி ஆகிய இருவருடன் இருசக்கர வாகனத்தில் சென்றுகொண்டிருந்தபோது தனக்கு முன்னால் சென்ற டிராக்டரை முந்திச்செல்ல முயன்றபோது எதிர்பாராதவிதமாக டிராக்டரின் டிரைலர் மீது மோதிய விபத்தில் திருமதி.சரஸ்வதி மற்றும் செல்வி.ராகவி ஆகிய இருவரும் பலத்த காயமடைந்து சிகிச்சைக்காக மருத்துவமனைக்கு கொண்டுசெல்லும் வழியில் உயிரிழந்தனர் என்ற துயரகரமான செய்தியை அறிந்து மிகவும் வருத்தமும் வேதனையும் அடைந்தேன்.
மேலும், இவ்விபத்தில் காயமடைந்து திருப்பூர் அரசு மருத்துவக்கல்லூரி மருத்துவமனையில் சிகிச்சை பெற்றுவரும் செல்வி.யாழினி என்பவருக்கு சிறப்புச் சிகிச்சை அளிக்கவும் உத்தவிட்டுள்ளேன்.
விபத்தில் உயிரிழந்தவர்களின் குடும்பத்தினருக்கும். அவர்களது உறவினர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக்கொள்வதோடு, உயிரிழந்தவர்களின் குடும்பத்தினருக்கு தலா இரண்டு இலட்சம் ரூபாயும், காயமடைந்து மருத்துவமனையில் சிகிச்சை பெற்று வருபவருக்கு ஐம்பதாயிரம் ரூபாயும் முதலமைச்சரின் பொது நிவாரண நிதியிலிருந்து வழங்கிடவும் உத்தரவிட்டுள்ளேன்,”இவ்வாறு தெரிவித்துள்ளார்.
The post வெள்ளகோவில் பகுதியில் சாலை விபத்தில் உயிரிழந்த 2 பேரின் குடும்பத்திற்கு தலா ரூ.2 லட்சம் நிவாரணம்!! appeared first on Dinakaran.
