திருச்சியில் நடக்கும் மாநில சதுரங்க போட்டிக்கு ஆவணத்தாங்கோட்டை அரசு பள்ளி மாணவி தகுதி

அறந்தாங்கி, டிச. 10: திருச்சியில் நடக்கும் மாநில சதுரங்க கோட்டிக்கு ஆவணத்தாங்கோட்டை அரசு பள்ளி மாணவி தகுதி பெற்றுள்ளார். அந்த மாணவியை ஆசிரியர்கள் பாராட்டினர்.
புதுக்கோட்டை மாவட்ட சதுரங்க கழகத்தால் புதுக்கோட்டையில் தனியார் மேல்நிலைப் பள்ளியில் மாவட்ட அளவிலான சதுரங்க போட்டிகள் நடைபெற்றது. இந்த போட்டியில் புதுக்கோட்டை மாவட்டத்தை சேர்ந்த 150 மாணவர்கள் கலந்து கொண்டனர்.

இப்போட்டியானது 6 பிரிவுகளில் நடத்தப்பட்டது. இதில் 9 வயதிற்கு உட்பட்டவர்களுக்கான பிரிவில் அறந்தாங்கி அருகே ஆவணத்தாங்கோட்டை மேற்கு நடுநிலைப் பள்ளியை சேர்ந்த மாணவி சன்மதி நடைபெற்ற நான்கு சுற்றிலும் வெற்றி பெற்று முதலிடம் பிடித்து கோப்பையை வென்றார். இந்த வெற்றியின் மூலம் திருச்சியில் நடைபெறக்கூடிய மாநில அளவிலான சதுரங்க போட்டிக்கு தேர்வு செய்யப்பட்டுள்ளார். வெற்றி பெற்ற மாணவியை தலைமை ஆசிரியர், ஆசிரியர்கள், பள்ளி மேலாண்மை குழு உறுப்பினர்கள், பெற்றோர்கள் கல்வி அலுவலர்கள் ஊர் பொதுமக்கள் பாராட்டினர்.

The post திருச்சியில் நடக்கும் மாநில சதுரங்க போட்டிக்கு ஆவணத்தாங்கோட்டை அரசு பள்ளி மாணவி தகுதி appeared first on Dinakaran.