தமிழக துணை முதல்வர் உதயநிதி ஸ்டாலின் பிறந்த நாளை எழுச்சியுடன் கொண்டாடுவோம்: பெரம்பலூர் மாவட்ட செயலாளர் அழைப்பு

பெரம்பலூர்,நவ.27: பெரம்பலூர் மாவட்டத்தில் துணை முதல்வர் உதயநிதி ஸ்டாலின் பிறந்தநாளை இன்று எழுச்சியுடன் கொண்டாடுவோம்- திமுக பெரம்பலூர் மாவட்ட செயலாளர் ஜெகதீசன் தெரிவித்துள்ளார். இது குறித்து அவர் வெளியிட்டுள்ள அறிக் கையில் கூறியிருப்பதாவது, பெரம்பலூர் மாவட்டத்தில் துணை முதல்வர் உதயநிதி ஸ்டாலின் பிறந்தநாளை சிறப்பாக கொண்டாட வேண்டும். ஒன்றிய அரசை அதிர வைத்த, திராவிட மாடல் அரசின் துணை முதலமைச்சரும், திமுக இளைஞரணிச் செயலாளரும், தமிழ்நாடு இளைஞர் நலன் மற்றும் விளையாட்டு மேம்பாட்டுத் துறை அமைச்சருமான உதயநிதி ஸ்டாலினின் பிறந்த நாளை இன்று(27ஆம்தேதி) பெரம்பலூர் மாவட்டத்தில் அனைத்து கிளை, வார்டுகள் தோறும் கட்சிக் கொடியேற்றி, இனிப்புகள் வழங்கியும், ஏழை எளியவர்களுக்கு நலத்திட்ட உதவிகள் வழங்கியும், ஆதரவற்ற இல்லங்களில் உள்ள குழந் தைகள், முதியோர்களுக்கு புத்தாடைகள், உணவு வழங்கியும், மரக்கன்றுகள் நட்டும், பள்ளி மாணவ, மாணவிகளுக்கு நோட்டு புத்தகங்கள் வழங்கியும், மருத்துவ முகாம், ரத்ததான முகாம், இலவசக் கண் சிகிச்சை முகாம் நடத்தியும் உதயநிதி ஸ்டாலின் பிறந்த நாளை சிறப்பாக கொண்டாட வேண்டும்.

பிறந்த நாள் நிகழ்ச்சியில் மாநில, மாவட்ட, நிர்வாகிகள், தலைமை செயற்குழு உறுப்பினர்கள், பொதுக்குழு உறுப்பினர் கள், ஒன்றிய, நகர, பேரூர் செயலாளர்கள், அனைத்து அணிகளின் அமைப்பாளர் கள் மற்றும்துணை அமைப் பாளர்கள், உள்ளாட்சி அமைப்புப் பிரதிநிதிகள் அனைவரும் கலந்து கொண்டு துணை முதல்வர் பிறந்த நாளை சிறப்பாக கொண்டாட வேண்டும். விழா ஏற்பாடுகளை மாநில, மாவட்ட கழக நிர்வாகிகள், ஒன்றிய ,நகர, பேரூர் கழக செயலாளர்கள் அணிகளின் அமைப்பாளர் கள், உள்ளாட்சி பிரதிநிதி கள்,கிளை, வார்டு கழக நிர்வாகிகள் செய்திட வேண்டும் என பெரம்பலூர் மாவட்டச் செயலாளர் வீ.ஜெகதீசன் வெளியிட் டுள்ள தனது அறிக்கையில் தெரிவித்துள்ளார்.

The post தமிழக துணை முதல்வர் உதயநிதி ஸ்டாலின் பிறந்த நாளை எழுச்சியுடன் கொண்டாடுவோம்: பெரம்பலூர் மாவட்ட செயலாளர் அழைப்பு appeared first on Dinakaran.