தொண்டி, நவ.8: தொண்டி அருகே நம்புதாளையில் ராட்டினம் தொழிலாளி வெட்டி படுகொலை செய்யப்பட்டார். இந்த வழக்கு தொடர்பாக நேற்று இருவரை தொண்டி போலீசார் கைது செய்தனர். தொண்டி அருகே நம்புதாளையில் பரமக்குடியை சேர்ந்த ராட்டினம் தொழிலாளி முத்துக்குமார் வெட்டி படுகொலை செய்யப்பட்டார். இந்த வழக்கு தொடர்பாக சிவகங்கை சரவணன் மற்றும் திருவாடானை கார் டிரைவர் கெல்வின் ராஜ் ஆகியோரை போலீசார் கைது செய்து விசாரித்து வந்தனர்.
இந்நிலையில் இரு தினங்களுக்கு முன்பு திருவாடானை அருகே பதுங்கி இருந்த சிவகங்கை மாவட்டம் உருளியை சேர்ந்த கருப்பசாமி மகன் முத்துராஜா(20), திருவாடானை பாலகிருஷ்ணன்(19), கடம்பாகுடி சொக்கு (19) ஆகியோரை தொண்டி போலீசார் கைது செய்தனர். நேற்று சிவகங்கை மாவட்டம் மதகுபட்டி விக்னேஷ்(23), திருவாடானை செல்வா (எ) பாண்டிச் செல்வம்(22) ஆகிய இருவரை கைது செய்துள்ளனர்.
The post கொலை வழக்கில் மேலும் இருவர் கைது appeared first on Dinakaran.
