நெல்லை, நவ. 8: நெல்லை அருகே பைக் மீது லாரி மோதியதில் வாலிபர் பலியானார். நெல்லை அருகே சீதபற்பநல்லூர் பக்கமுள்ள சமத்துவபுரத்தை சேர்ந்த சந்தியாகு மகன் முருகேசன் (31). இவர் கங்கைகொண்டானிலுள்ள உறவினர் வீட்டிற்கு பைக்கில் சென்றுவிட்டு, நேற்று முன்தினம் இரவு 8 மணியளவில் கங்கைகொண்டான் மாவு மில் அருகே சென்று கொண்டிருந்தார்.
அப்போது அந்த வழியாக வேகமாக வந்த லாரி திடீரென பைக் மீது மோதியது. இதில் படுகாயமடைந்த முருகேசனை அங்கிருந்தவர்கள் மீட்டு நெல்லை அரசு மருத்துவமனையில் அனுமதித்தனர். அங்கு சிறிது நேரத்தில் முருகேசன் இறந்தார். இதுகுறித்து கங்கைகொண்டான் போலீசார் வழக்குப்பதிந்து விசாரணை நடத்தி வருகின்றனர்.
The post நெல்லை அருகே பைக் மீது லாரி மோதி வாலிபர் பலி appeared first on Dinakaran.
