கோபி : கோபி அருகே உள்ள எல்லப்பாளையத்தில் மர்ம விலங்கு கடித்து 9 ஆடுகள் உயிரிழந்த சம்பவம் பரபரப்பை ஏற்படுத்தியது. ஈரோடு மாவட்டம் கோபி அருகே உள்ள அயலூர் ஊராட்சிக்குட்பட்ட எல்லப்பாளையத்தை சேர்ந்தவர் கருப்புசாமி (55). விவசாயியான இவர் ஆடுகளையும் வளர்த்து வருகிறார். இவர் வழக்கம்போல இரவு வீட்டின் அருகில் உள்ள கொட்டகையில் ஆடுகளை அடைத்து வைத்துள்ளார்.
நேற்று காலை கொட்டகைக்கு சென்று பார்த்தபோது கொட்டகையில் அடைத்து வைக்கப்பட்டு இருந்த 7 ஆடுகள் மர்ம விலங்கு கடித்ததில் உயிரிழந்து இருப்பது தெரியவந்தது. அதே போன்று, அருகில் உள்ள விஜயகுமார் மற்றும் பாப்பாத்தி ஆகியோருக்கு சொந்தமான இரு ஆடுகளையும் மர்ம விலங்கு கடித்து கொன்று இருந்தது.
இது குறித்து தகவல் அறிந்த கிராம நிர்வாக அலுவலர் சக்திவேல், கொளப்பலூர் கால்நடை மருத்துவர் மணிவண்ணன், டி.என்.பாளையம் வனத்துறையினர் சம்பவ இடத்திற்கு சென்று விசாரணை நடத்தினர். மர்ம விலங்கு கடித்து 9 ஆடுகள் உயிரிழந்த சம்பவம் சோகத்தை ஏற்படுத்தி உள்ளது.
The post கோபி அருகே எல்லப்பாளையத்தில் மர்ம விலங்கு கடித்து 9 ஆடுகள் பலி appeared first on Dinakaran.
