ஓவியம், கட்டுரை போட்டியில் வெற்றிபெற்ற அரசு மகளிர் பள்ளி மாணவிகளுக்கு பாராட்டு

ஜெயங்கொண்டம், அக்.29: உடையார்பாளையம் அரசு மேல் நிலை பள்ளியில் வனத்துறை சார்பில் நடைபெற்ற ஓவியம் மற்றும் கட்டுரை போட்டிகளில் வெற்றி பெற்ற அரசு பெண்கள் பள்ளி மாணவிகளுக்கு பாராட்டு விழா நடைபெற்றது. அரியலூர் மாவட்ட வனத்துறை சார்பில் மாவட்ட அளவில் கட்டுரை, ஓவியப்போட்டி நடைபெற்றது. இப்போட்டிகளில் உடையார்பாளையம் அரசு மகளிர் மேல்நிலைப்பள்ளி மணவிகள் கலந்து கொண்டனர். இதில் மாணவிகள் கவிப்பிரியா கட்டுரை போட்டியில் இரண்டாமிடம், சுவேதா, மூன்றாமிடம்,ஓவிய போட்டியில் ராஜ் இரண்டாமிடமும் பெற்றனர்.

வெற்றிபெற்ற மாணவிகளை பள்ளியின் காலை வழிபாட்டு கூட்டத்தில் பள்ளி தலைமையாசிரியர் முனைவர் முல்லைக்கொடி தலைமையில் ஆசிரியர் இங்கர்சால் முன்னிலையில் ஆசிரியர்கள் சக மாணவிகளை பாராட்டினர். மேலும் சதுரங்க விளையாட்டு போட்டியில் மாவட்ட அளவில் இரண்டாமிடம் வெற்றி பெற்ற மாணவி சிம்மவாகினியையும் பாராட்டினர். இந்நிகழ்வில் ஆசிரியர்கள் செல்வராஜ், சாந்தி, வளர்மதி, வனிதா, பாவை செ.சங்கர் சங்கீதா, மாரியம்மாள் லூர்துமேரி, கவிதா, தமிழாசிரியர் ராமலிங்கம் ஆகியோர் கலந்து கொண்டனர். உடற்கல்வி ஆசிரியர் ஷாயின்ஷா நன்றி கூறினார்.

The post ஓவியம், கட்டுரை போட்டியில் வெற்றிபெற்ற அரசு மகளிர் பள்ளி மாணவிகளுக்கு பாராட்டு appeared first on Dinakaran.