பாப்பிரெட்டிப்பட்டி, அக்.24: பாப்பிரெட்டிப்பட்டி அருகே உள்ள பையர்நத்தம் கிராமத்தை சேர்ந்தவர் விஜயகுமார்(37). இவருக்கு இந்துமதி என்ற மனைவியும், மகன், மகள் உள்ளனர். இவர் தேவராஜபாளையத்தில் உள்ள தனியார் பால் குளிரூட்டும் நிலையத்தில் வேலை செய்து வந்தார். இவர் நேற்று முன்தினம் காலை வேலைக்கு சென்றவர், இரவு நெடுநேரமாகியும் வீட்டிற்கு வரவில்லை. இந்த நிலையில், நேற்று காலை தேவராஜபாளையம் அருகே சாலையோர புளிய மரத்தில் டூவீலர் மோதியதில், படுகாயமடைந்தவர் சம்பவ இடத்திலேயே உயிரிழந்தார். இதை பார்த்த அவ்வழியாக சென்றவர்கள், பாப்பிரெட்டிப்பட்டி போலீசாருக்கு தகவல் கொடுத்தனர். தகவலறிந்த சம்பவ இடத்திற்கு சென்ற போலீசார், அவரது சடலத்தை கைப்பற்றி பிரேத பரிசோதனைக்காக பாப்பிரெட்டிப்பட்டி அரசு மருத்துவமனைக்கு அனுப்பி வைத்தனர். இதுகுறித்து வழக்கு பதிவு செய்து விசாரணை நடத்தி வருகின்றனர்.
The post டூவீலர் மோதி வாலிபர் பலி appeared first on Dinakaran.
