பேரையூர் அருகே சின்னப்பூலாம்பட்டியை சேர்ந்த முன்னாள் ராணுவவீரர் முருகேசன். இவர் தனது டூவீலரை பேரையூரில் நிறுத்தி விட்டு ஹோட்டலுக்கு சாப்பிட சென்றுள்ளார். அப்போது ஆட்கள் நடமாட்டம் அதிகமுள்ள அப்பகுதியில் பாம்பு ஒன்று வந்துள்ளது. அதனைப்பார்த்து பொதுமக்கள் கூச்சலிட்டதால், முருகேசன் நிறுத்தியிருந்த டூவீலரில் புகுந்து கொண்டது. பொதுமக்கள் எவ்வளவோ முயன்றும் பாம்பு வெளியே வரவில்லை. இதனால் அங்கு கூட்டம் கூடியது. தகவலறிந்த பேரையூர் எஸ்.ஐ சந்தோஷ்குமார் மற்றும் போலீசார் அங்கு வந்தனர். இதற்கிடையே பொதுமக்களில் ஒருவர் டூவீலரில் இருந்த பாம்பை பிடித்து காட்டுப்பகுதியில் விடுவித்தார். வாகனத்திற்குள் பாம்பு புகுந்ததால், அப்பகுதியில் சிறிது நேரம் பரபரப்பு ஏற்பட்டது.
The post டூவீலருக்குள் புகுந்தது பாம்பு appeared first on Dinakaran.
