டெல்லி: ஜனநாயக உரிமையைப் பயன்படுத்துங்கள்; இந்தியாவுக்காக வாக்களியுங்கள் என ஜம்மு காஷ்மீர் மக்களுக்கு மக்களவை எதிர்கட்சித் தலைவர் ராகுல் காந்தி வேண்டுகோள் விடுத்துள்ளார். இது தொடர்பாக ராகுல் காந்தி தமது எக்ஸ் தள பக்கத்தில் கூறியதாவது;
ஜம்மு காஷ்மீர் சகோதர சகோதரிகளே, இன்று முதல் கட்ட வாக்குப்பதிவு அம்மாநிலத்தில் நடைபெறுகிறது.
நாட்டின் வரலாற்றில் முதன்முறையாக, ஒரு மாநிலத்தின் மாநில அந்தஸ்து பறிக்கப்பட்டு, யூனியன் பிரதேசமாக மாற்றப்பட்டுள்ளது – இது உங்கள் அனைவரின் அரசியலமைப்பு உரிமைகளை மீறுவதாகவும், ஜம்மு காஷ்மீரை அவமதிப்பதாகவும் உள்ளது.
உங்களின் ஒவ்வொரு வாக்கும் இந்தியாவிற்கு அளிக்கப்பட்டது
*உங்கள் உரிமைகளை மீட்டெடுக்கும்
*வேலைவாய்ப்பு வெள்ளத்தை கொண்டு வரும்
*பெண்களை பலப்படுத்தும்
*’அநீதி காலத்திலிருந்து’ உங்களை வெளியே கொண்டு வரும்
ஜம்மு காஷ்மீரை மீண்டும் மகிழ்ச்சியாக்கும்.
இன்று, அதிக எண்ணிக்கையில் உங்கள் வீடுகளை விட்டு வெளியே வந்து உங்கள் ஜனநாயக உரிமையைப் பயன்படுத்துங்கள் – இந்தியாவுக்காக வாக்களியுங்கள். இவ்வாறு குறிப்பிட்டுள்ளார்.
The post ஜனநாயக உரிமையைப் பயன்படுத்துங்கள்; இந்தியாவுக்காக வாக்களியுங்கள்: ஜம்மு காஷ்மீர் மக்களுக்கு ராகுல் காந்தி வேண்டுகோள்!! appeared first on Dinakaran.
