சாலையோரம் ஆண் சடலம் மீட்பு

ஸ்ரீபெரும்புதூர்: காஞ்சிபுரம் மாவட்டம், ஸ்ரீபெரும்புதூர் – ஒரகடம் செல்லும் நெடுஞ்சாலை போந்தூர் பகுதியில் சாலையோரத்தில் அடையாளம் தெரியாத ஆண் சடலம் கிடப்பதாக நேற்று ஸ்ரீபெரும்புதூர் போலீசாருக்கு தகவல் கிடைத்துள்ளது. தகவலின்பேரில் சம்பவ இடத்துக்கு சென்ற போலீசார், சடலத்தில் காயங்கள் ஏதேனும் உள்ளதா என சோதனை செய்தனர். இதனைத்தொடர்ந்து, சடலத்தை கைப்பற்றி பிரேத பரிசோதனைக்கு ஸ்ரீபெரும்புதூர் அரசு மருத்துவமனைக்கு அனுப்பி வைத்தனர்.

மேலும், இறந்து கிடந்த நபர் யார், அவர் எந்த ஊரை சேர்ந்தவர், யாரேனும் இவரை கொலை செய்து சாலையோரம் சடலத்தை வீசி சென்றார்களா அல்லது விஷம் அருந்தி தற்கொலை செய்து கொண்டாரா போன்ற பல்வேறு கோணங்களில் போலீசார் தீவிர விசாரணை நடத்தி வருகின்றனர்.

The post சாலையோரம் ஆண் சடலம் மீட்பு appeared first on Dinakaran.