கோவை, ஜூன் 21: கோவை நகரில் பல்வேறு பகுதி ரோட்டில் வாலிபர்கள் பைக் ரேஸ் நடத்துவதாக தெரிகிறது. சமீபத்தில் ரேஸ் மற்றும் சாகசம் தொடர்பான ரீல்ஸ் இன்ஸ்டா கிராம் மற்றும் வாட்ஸ் அப் குழுக்களில் அதிகமாக பகிரப்பட்டிருந்தது. ரேஸ்கோர்ஸ், ராமநாதபுரம் பாலம், சுங்கம் பாலம் என பல்வேறு இடங்களில் பைக்கில் வாலிபர்கள் சாகசம் செய்து காட்டிருந்தனர்.
மதுக்கரை நீலம்பூர் பைபாஸ் ரோட்டிலும் இரவு நேரத்தில் பைக் ரேஸ் மற்றும் சாகசங்கள் நடக்கிறது. கரணம் தப்பினால் மரணம் என்ற நிலைமை இருந்தும் வலைதள பக்கங்களில் லைக் பெற வாலிபர்கள் இப்படி போட்டி போட்டு சாகச செயல்களில் ஈடுபட்டு வருவதாகவும், வாகனத்தில் பதிவு எண்களை மறைத்தும் விபரீத செயல்களில் ஈடுபட்டு வருகின்றனர். இந்த நபர்கள் மீது கடும் நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.
The post ரோடு, பாலங்களில் பைக் ரேஸ், ரீல்ஸ் appeared first on Dinakaran.
