×

கரூர்- திருச்சிராப்பள்ளி ரயில்வே நிலையங்களில் பொறியியல் பணி காரணமாக ரயில் சேவையில் மாற்றம்

கரூர், ஜூன் 16: கரூர்- திருச்சிராப்பள்ளி ரயில்வே நிலையங்களில் பொறியியல் பணி காரணமாக ரயில் சேவைகள் மாற்றி அமைக்கப்பட்டுள்ளது என்று சேலம் ரயில்வே கோட்டம் தெரிவித்துள்ளது. இதுகுறித்து வெளியிடப்பட்டுள்ள செய்தி குரூப்பில் தெரிவித்து இருப்பதாவது: கரூர் திருச்சிராப்பள்ளி கோட்டத்தில் உள்ள லாலாப்பேட்டை – குளித்தலை ரயில் நிலையங்களுக்கு இடையே பொறியியல் பணிகள் மேற்கொள்ளப்பட உள்ளன. அந்த பொறியியல் பணிகளை எளிதாக்க, கீழே விவரிக்கப்பட்டுள்ளபடி ரயில் சேவைகளில் மாற்றங்கள் செய்யப்படும். 17.06.2024( திங்கள் கிழமை) அன்று ரயில் சேவைகளில் மாற்றங்கள்- ரயில் எண்.16812 சேலம்- மயிலாடுதுறை ரயில் 17.06.2024 கரூர் ரயில் நிலையத்தில் குறுகிய நேரம் நிறுத்தப்படும். சேலத்தில் இருந்து கரூர் வரை மட்டுமே ரயில் இயக்கப்படும்.

கரூரில் இருந்து மயிலாடுதுறைக்கு 17.06.2024 அன்று முன்பதிவில்லா சிறப்பு ரயில் இயக்கப்பட்டு, கரூரில் இருந்து 16.45 மணிக்குப் புறப்படும். ரயில் எண்.16812-ன் அதே நிறுத்தங்கள் ரயிலில் நின்று செல்லும். திருச்சிராப்பள்ளி – ஈரோடு ரயில், திருச்சிராப்பள்ளியில் இருந்து 16.10 மணிக்குப் புறப்படும், 17.06.2024 அன்று 1 மணி நேரம் தாமதமாகப் புறப்படும். 20.06.2024 அன்று ரயில் சேவைகளில் மாற்றங்கள்- ரயில் எண்.16812 சேலம் – மயிலாடுதுறை ரயில் 20.06.2024 கரூர் ரயில் நிலையத்தில் குறுகிய நேரம் நிறுத்தப்படும். சேலத்தில் இருந்து கரூர் வரை மட்டுமே ரயில் இயக்கப்படும். கரூரில் இருந்து மயிலாடுதுறைக்கு 20.06.2024 அன்று முன்பதிவில்லா சிறப்பு ரயில் இயக்கப்பட்டு, கரூரில் இருந்து 16.30 மணிக்குப் புறப்படும். ரயில் எண்.16812-ன் அதே நிறுத்தங்களில் ரயில் இயக்கப்படும்.

ரயில் எண்.16844 பாலக்காடு டவுன் – திருச்சிராப்பள்ளி ரயில் 20.06.2024 கரூர் ரயில் நிலையத்தில் குறுகிய நேரம் நிறுத்தப்படும். பாலக்காடு டவுனில் இருந்து கரூர் வரை மட்டுமே ரயில் இயக்கப்படும். ரயில் எண்.16843 திருச்சிராப்பள்ளி – பாலக்காடு டவுன் ரயில் 20.06.2024 திருச்சிராப்பள்ளி – கரூர் இடையே பகுதியாக ரத்து செய்யப்படும். திருச்சிராப்பள்ளியில் இருந்து கரூர் வரை ரயில் இயக்கப்படாது; அது கரூரில் இருந்து புறப்பட்டு பாலக்காடு டவுன் வரை செல்லும். ரயில் எண்.06809 திருச்சிராப்பள்ளி – ஈரோடு ரயில், திருச்சிராப்பள்ளியில் இருந்து 16.10 மணிக்குப் புறப்படும், 20.06.2024 அன்று 30 நிமிடங்கள் தாமதமாகப் புறப்படும். இவ்வாறு அந்த செய்திக்குறிப்பில் தெரிவிக்கப்பட்டுள்ளது.

The post கரூர்- திருச்சிராப்பள்ளி ரயில்வே நிலையங்களில் பொறியியல் பணி காரணமாக ரயில் சேவையில் மாற்றம் appeared first on Dinakaran.

Tags : Karur-Tiruchirappalli ,Karur ,Tiruchirappalli ,Salem Railway Division ,Karur Tiruchirappalli ,Dinakaran ,
× RELATED கரூர் அருங்காட்சியகத்தில் கல்வி...