×

தலைமறைவான கோவை குண்டு வெடிப்பு கைதி சிக்கினார்

 

கோவை, மே 25: கோவை குனியமுத்தூர் பகுதியை சேர்ந்தவர் அபுதாஹீர் (45). இவர் கோவை குண்டு வெடிப்பு வழக்கில் 10 ஆண்டுகள் சிறை தண்டனை பெற்று வெளியே வந்துள்ளார். அவர் வெளியே வந்த பின்பு பணம் மோசடி மற்றும் வழிப்பறி சம்பவங்களில் ஈடுபட்டு வந்ததாக தெரிகிறது. இவர் மீது போலீஸ் நிலையத்தில் பதியப்பட்ட வழக்குக்கு பின்னர் சிபிசிஐடிக்கு மாற்றப்பட்டது. கோவை சிபிசிஐடி போலீசார் அபுதாஹீர் மீது வழக்கு பதிவு செய்து விசாரணை நடத்தி வந்தனர். மேலும் இது தொடர்பாக கோவை நீதிமன்றத்தில் வழக்கு நடைபெற்று வந்தது.

இவ்வழக்கினை விசாரித்த நீதிபதி கடந்த மூன்று மாதங்களுக்கு முன்பு அபுதாஹீருக்கு ஏழு ஆண்டுகள் சிறை தண்டனை விதித்து உத்தரவிட்டார். இதனை அறிந்ததும் அபுதாஹீர் தலைமறைவானார். அவரை சிபிசிஐடி போலீசார் தீவிரமாக தேடி வந்தனர். அவர் குறித்த தகவல்களை ரகசியமாக சேகரித்தனர். அப்போது அவர் உக்கடம் பகுதியில் பதுங்கி இருப்பதாக சிபிசிஐடி போலீசாருக்கு தகவல் கிடைத்தது. இதன் அடிப்படையில் நேற்று முன்தினம் 3 மாதங்களாக தலைமறைவாக இருந்த அபுதாஹீரை சிபிசிஐடி போலீசார் கைது செய்தனர். பின்னர் அவரை கோர்ட்டில் ஆஜர்ப்படுத்தி கோவை மத்திய சிறையில் அடைத்தனர்.

The post தலைமறைவான கோவை குண்டு வெடிப்பு கைதி சிக்கினார் appeared first on Dinakaran.

Tags : Coimbatore ,Abu Taheer ,Kuniyamuthur ,Dinakaran ,
× RELATED கோவை புத்தகத் திருவிழாவில் சாழல் சொற்போர் நிகழ்வு