டெல்லி : ATM/வங்கியில் இருந்து சொந்த பணத்தை எடுக்கவும், டெபாசிட் செய்யவும் வரி விதித்தது மோடி அரசு என காங்கிரஸ் தலைவர் மல்லிகார்ஜுனா கார்கே தெரிவித்துள்ளார். இது தொடர்பாக அவர் வெளியிட்டுள்ள பதிவில்,”மோடியின் உத்தரவாதம் = மக்கள் பணம் கொள்ளை!
பிரதமர் நரேந்திர மோடி அவர்களே
இன்று நீங்கள் வங்கிகளைப் பற்றி பேசுகிறீர்கள்.
பணமதிப்பிழப்பு நடவடிக்கை மூலம் வங்கி முறையை சீரழிக்கும் கலையில் உங்கள் அரசு தேர்ச்சி பெற்றுள்ளது.
கடந்த 4 ஆண்டுகளில் வங்கிகளில் குறைந்தபட்ச இருப்பு தொகையை பராமரிக்காமல் பொதுமக்களின் பாக்கெட்டில் இருந்து ₹35,000 கோடியை உங்கள் அரசு கொள்ளையடித்தது.
2012ல் காங்கிரஸ்-UPA ஆட்சியில், மாதாந்திர சராசரி இருப்பு கட்டணம் ரத்து செய்யப்பட்டது குறிப்பிடத்தக்கது, 2016ல் மீண்டும் மோடி அரசு வசூலிக்க ஆரம்பித்தது.
ATM/வங்கியில் இருந்து சொந்த பணத்தை எடுக்கவும், டெபாசிட் செய்யவும் வரி விதித்தது மோடி அரசு!
நீங்கள் விவசாயிகளின் கடனை தள்ளுபடி செய்யவில்லை, ஆனால் கடந்த 6 ஆண்டுகளில் மட்டும் உங்கள் அரசு பெரும் தொழிலதிபர்களின் ரூ.19 லட்சம் கோடி கடன்களை தள்ளுபடி செய்துள்ளது!
கடந்த 6 ஆண்டுகளில் மட்டும், வேண்டுமென்றே திருப்பி செலுத்தாதவர்களின் ரூ.3 லட்சம் கோடிக்கும் அதிகமான கடன்களை மோடி அரசு தள்ளுபடி செய்துள்ளது. ஏன்?
20% ஜன்-தன் கணக்குகள் செயலற்று கிடக்கின்றன.
மோடி ஜீ, நாட்டின் பொருளாதாரத்தில் வங்கிகள் முக்கிய பங்கு வகிக்கின்றன, அமைப்புசாரா துறை மற்றும் MSMEகளை அழிக்க வங்கிகளைப் பயன்படுத்தியுள்ளீர்கள்.
பொதுமக்கள் கஷ்டப்பட்டு சம்பாதித்த பணம் வங்கிகளால் கொள்ளையடிக்கப்பட்டுள்ளது.
இந்த தேர்தலில் பா.ஜ.க வை “மக்கள் மன்னிக்க மாட்டார்கள்”
இவ்வாறு தெரிவித்துள்ளார்.
The post ATM/வங்கியில் இருந்து சொந்த பணத்தை எடுக்கவும், டெபாசிட் செய்யவும் வரி விதித்தது மோடி அரசு.. மக்கள் மன்னிக்க மாட்டார்கள் : காங்கிரஸ் காட்டம் appeared first on Dinakaran.
