நான் பார்த்ததிலேயே மிகச்சிறந்த “வொயிட் பால்” கிரிக்கெட் வீரர் விராட் கோலி தான்: முன்னாள் ஆஸ்திரேலிய வீரர் ஆரோன் பின்ச்

புதுடெல்லி: டி20 கிரிக்கெட் போட்டிகளில் இந்திய அணியின் நட்சத்திர வீரர் விராட் கோலியின் இடம் குறித்து எழுந்த விமர்சனங்களுக்கு ஆஸ்திரேலிய முன்னாள் கேப்டன் ஆரோன் ஃபின்ச் கடுமையாக மறுத்துள்ளார். ஐசிசி டி20 உலகக் கோப்பை நெருங்கி வருவதால், இந்தியன் பிரீமியர் லீக் பற்றிய உற்சாகம் தீவிரமடைந்து வருக்குறது. டி20 கிரிக்கெட்டில் விராட்டின் செயல்திறன் குறித்த விவாதங்கள் கலவையான கருத்துக்களைத் தூண்டியுள்ளன.

சில ரசிகர்கள் மற்றும் வல்லுநர்கள் விராட்கோலியின் சிறப்பான டி20 சாதனை மற்றும் அனுபவத்தின் அடிப்படையில் சேர்க்கப்பட வேண்டும் என்று வாதிடுகின்றனர். மற்றவர்கள் ஆக்ரோஷமான பேட்டிங்கிற்கு பெயர் பெற்ற அவரது பழைய அணுகுமுறை குறித்து கவலைகளை எழுப்பியுள்ளனர்.

“ஐசிசி தொடர்கள் எந்த வடிவத்தைப் பொருட்படுத்தாமல், ஒவ்வொரு முறையும் மக்கள் விராட் கோலியைப் பற்றி பேசும்போதும், ஏன் அவரது இடத்தை குறித்து விமர்சனங்களை எழுப்புகிறார்கள் என்பதை என்னால் புரிந்து கொள்ள முடியவில்லை. நான் பார்த்ததிலேயே மிகச்சிறந்த வெள்ளை பந்து வீரர்” என்று ஃபின்ச் கூறினார். டி20 கிரிக்கெட்டில் ஒரு வீரரின் மதிப்பை ஸ்ட்ரைக் ரேட்கள் வரையறுக்கின்றன என்ற கருத்தை ஃபின்ச் மறுத்துள்ளார்.

பஞ்சாப் கிங்ஸுக்கு எதிரான அவரது சமீபத்திய ஐபிஎல் போட்டியின்போது விமர்சகர்களுக்கு விராட் கோலியிடமிருந்து அதிரடியான பதில் வந்தது. அவர் 49 பந்துகளில் 77 ரன்களின் அற்புதமான இன்னிங்ஸ் மூலம் விமர்சகர்களின் வாயை மூடினார். சவாலான சூழ்நிலைகளில் அவரது சிறப்பான ஆட்டத்தை வெளிப்படுத்தினார்.

The post நான் பார்த்ததிலேயே மிகச்சிறந்த “வொயிட் பால்” கிரிக்கெட் வீரர் விராட் கோலி தான்: முன்னாள் ஆஸ்திரேலிய வீரர் ஆரோன் பின்ச் appeared first on Dinakaran.