புதுடெல்லி: கியூட் யுஜி நுழைவுத்தேர்வுக்கு விண்ணப்பிப்பதற்கான காலக்கெடு மார்ச் 31 வரை நீட்டிக்கப்பட்டுள்ளது. நாடு முழுவதும் உள்ள ஒன்றிய பல்கலைக் கழகங்களில் இளநிலை படிப்புகளில் சேர கியூட்-யுஜி நுழைவுத்தேர்வை ஒன்றிய அரசு அறிமுகப்படுத்தி உள்ளது. இந்த தேர்வுகள் இணைய வழியாகவும், நேரடியாகவும் தேர்வுகள் நடத்தப்படுகின்றன. நடப்பு ஆண்டுக்கான தேர்வுகள் மே 15ம் தேதி தொடங்கி 31ம் தேதி வரை நடைபெறுகிறது.
ஜூன் 30ம் தேதி தேர்வு முடிவுகள் வௌியாகும். தேர்வுக்கான விண்ணப்பம் கடந்த மாதம் பிப்ரவரி 27ம் தேதி தொடங்கிய நிலையில் நேற்று இரவு 11 மணிக்கு முடிவடைவதாக இருந்தது. இந்நிலையில் “ஏராளமான மாணவர்களின் கோரிக்கைகளை ஏற்று விண்ணப்பிப்பதற்கான காலக்கெடுவை மார்ச் 31 இரவு 9.50 மணி வரை நீட்டிக்கப்படுவதாக பல்கலைக் கழக மானிய குழு தலைவர் எம்.ஜெகதேஷ் குமார் நேற்று தெரிவித்தார்.
The post கியூட் யுஜி தேர்வுக்கு விண்ணப்பிக்க மார்ச் 31 கடைசி நாள் appeared first on Dinakaran.
