துபாய் : மக்களவை தேர்தலுக்கான தபால் வாக்குச் சீட்டு அச்சடிப்பது, பாதுகாப்பாக கொண்டு செல்வது குறித்து தலைமை தேர்தல் ஆணையம் சுற்றறிக்கை அனுப்பியுள்ளது. மாநில தலைமை தேர்தல் அதிகாரிகளுக்கு இந்திய தேர்தல் ஆணையம் வெளியிட்டுள்ள சுற்றறிக்கையில்,
*தபால் வாக்கு சீட்டுகளை தயார் செய்யும் பணியை கண்காணிக்க தனியாக ஒரு உதவி தேர்தல் அதிகாரியை நியமிக்க வேண்டும்.
*வேட்பாளர் பட்டியல் இறுதி செய்யப்பட்டவுடன் உடனடியாக தபால் வாக்கு சீட்டுகளை அச்சடிக்கும் பணியை தொடங்க வேண்டும்.
*தபால் வாக்கு சீட்டுகளை அச்சடிக்கும் பணியை மேற்கொள்ள அரசு அச்சகங்களுக்கு தான் முன்னுரிமை அளிக்க வேண்டும்.
*தபால் வாக்கு சீட்டுகளை அச்சடிக்கும் மையங்களுக்கு தடையின்றி மின்சாரம் வழங்க வேண்டும்.
*தபால் வாக்கு சீட்டு அச்சடிக்கும் பணி விவரங்களை கண்காணிக்க வேட்பாளர்கள் தங்களின் ஏஜெண்டுகளை நியமிக்கலாம்.
*ஒரு பண்டலுக்கு 50 வாக்கு சீட்டுகள் என்ற அடிப்படையில் கட்டிவைத்து அடையாள எண்களிட வேண்டும்.
*தபால் வாக்கு சீட்டுகளில் வேட்பாளரின் பெயர், சின்னம் ஆகியவை சரியாக அச்சடிக்கப்பட்டு உள்ளதை உறுதி செய்ய வேண்டும்.
*அச்சடிக்கப்பட்ட தபால் தேர்தல் அதிகாரியிடம் வழங்க வேண்டும்.
*வாக்கு சீட்டுகள் அனைத்தும் ஒரு இரும்பு பெட்டியில் வைக்கப்பட்டு, தனி அறையில்
பாதுகாக்கப்பட வேண்டும்.”இவ்வாறு தெரிவிக்கப்பட்டுள்ளது.
The post தபால் வாக்கு சீட்டுகளை அச்சடிக்கும் மையங்களுக்கு தடையின்றி மின்சாரம்… வழிகாட்டு நெறிமுறைகளை வெளியிட்டது தேர்தல் ஆணையம்!! appeared first on Dinakaran.
