மும்பை: நடப்பாண்டிற்கான ஐபிஎல் தொடர் வரும் 22ம் தேதி சென்னை சேப்பாக்கம் மைதானத்தில் கோலாகலமாக தொடங்க உள்ளது. ஐபிஎல் தொடரில் பெங்களூரு அணியின் பிளேஆஃப் வாய்ப்புகளை நிர்ணயிப்பதில் விராட் கோலியின் ஃபார்ம் முக்கியமானது என முன்னாள் இந்திய வீரர் முகமது கைஃப் தெரிவித்துள்ளார்.
சமீபத்தில் விராட் கோலி சர்வதேச கிரிக்கெட்டில் இருந்து விலகியிருந்த நிலையில், ஐபிஎல் தொடரில் அவர் மீண்டும் களமிறங்குகிறார். கடைசியாக ஜனவரி மாதம் இந்தியாவுக்காக விளையாடிய கோஹ்லி, தனிப்பட்ட காரணங்களால் இங்கிலாந்துக்கு எதிரான டெஸ்ட் தொடரில் இருந்து விலகினார். மார்ச் 22 அன்று சென்னை சூப்பர் கிங்ஸுக்கு எதிரான தொடக்க ஆட்டத்திற்கு முன்னதாக ஆர்சிபியில் கோலி மீண்டும் இணைவார் என்று எதிர்பார்க்கப்படுகிறது.
இந்நிலையில் ஐபிஎல் தொடரில் பெங்களூரு அணியின் பிளேஆஃப் வாய்ப்புகளை நிர்ணயிப்பதில் விராட் கோலியின் ஃபார்ம் முக்கியமானது என முன்னாள் இந்திய வீரர் முகமது கைஃப் தெரிவித்துள்ளார். “விராட் கோலி அற்புதமான கிரிக்கெட்டை விளையாடி வருகிறார். அவர் நல்ல ஃபார்மில் இருக்கிறார். விராட் கோலி போன்ற ஒரு வீரர் ஃபார்மில் இருக்கும்போது ஒவ்வொரு போட்டியிலும் எப்படி ரன் குவிப்பது என்று அவருக்குத் தெரியும்.
விராட் கோலியின் ஒரு சிறப்பு விஷயம் என்னவென்றால், ஒவ்வொரு முறையும் அவர் இடைவேளையில் இருந்து திரும்பும்போது, அவர் நன்றாக விளையாடுகிறார். விராட் கோலியின் ஃபார்ம் பிளேஆஃப்களில் பெங்களூரு அணியின் இடத்தை தீர்மானிக்கும். பிளேஆஃப்களுக்கு தகுதிபெற பெங்களூரு அணிக்காக விராட் கோலி, மேக்ஸ்வெல் மற்றும் கிரீன் ஆகியோருடன் ஃபார்மில் இருப்பது முக்கியம்:” என முகமது கைஃப் தெரிவித்துள்ளார்.
The post ஐபிஎல் தொடரில் பெங்களூரு அணியின் பிளேஆஃப் வாய்ப்புகளை நிர்ணயிப்பதில் விராட் கோலியின் ஃபார்ம் முக்கியமானது: முன்னாள் இந்திய வீரர் முகமது கைஃப் appeared first on Dinakaran.
